Россия уонна Япония салалталара визаны ылары чэпчэтэр туһунан кэпсэтэллэр

Комментарии Общество и политика

Поделиться:

НВК САХА – Россия уонна Япония регионнарын кытта ыкса үлэлэһэргэ визаны ылары судургу оҥоруохха наада. Бу туһунан Айсен Николаев Федерация Сэбиэтин бэрэссэдээтэлэ Валентина Матвиенко Россия уонна Япония күбүрүнээтэрдэрин кытта көрсүһүүтүгэр ыам ыйын 14 күнүгэр иһитиннэрдэ. Бу туһунан Ил Дархан уонна бырабыыталыстыба пресс-сулууспата суруйар.

Ил Дархан бэлиэтээбитинэн, Саха сирэ Японияны кытта араас хайысхаларга күүскэ үлэлэһэр. Дьокуускайга Япония банкирдарын уонна урбаанньыттарын саамай улахан дэлэгээссийэтэ кэллэ. Кинилэр Арктикаттан саҕалаан, Соҕуруу Саха сиригэр тиийэ араас инновационнай бырайыактары ырыталлар.

Маны таһынан ыам ыйын 14 күнүгэр Дьокуускай куорат таһыгар Сыырдаах сэлиэнньэтигэр “Саюри” сылы эргиччи үлэлиир тэпилииссэ комплексатын иккис уочарата аһыллыбыта.

“Саха сирэ Японияны кытта ыкса үлэлэһэр. Ол эрээри визаны ылыы быраабылалара кытаанах буолан, манна харгыстар бааллар. Онон бу хайысхаҕа дойдуларбыт үлэлэһиэхтэрин наада”, – диэн Ил Дархан этии киллэрдэ.

Федерация Сэбиэтин спикерэ Валентина Матвиенко Айсен Николаев этиитин өйөөтө уонна Россия Японияны кытта визаны судургутарга, электроннай уонна да атын форматтаах визаны киллэрэр туһугар үлэлииргэ бэлэмин эттэ.

“Толорор былаас кэпсэтии ыыта охсон, урбаан эйгэтигэр уонна гражданнарбытыгар саҥа кыахтары биэрэллэрин көҕүлүөҕүҥ. Бииргэ үлэлэһиини кэҥэтэргэ бу улахан суолталаах”, – диэтэ Матвиенко. 

 

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

16 − четыре =

ЛЕНТА НОВОСТЕЙ