СӨ экология министиэристибэтэ: Ньурба улууһун нэһилиэнньэлээх пууннарыгар куттал суоһаабат

Комментарии Общество и политика

Поделиться:

НВК САХА – Ньурба улууһугар үс ойуур баһаарын умуллараллар, олортон биирдэстэрин боҕустулар, нэһилиэнньэлээх пууннарга куттал суох. Бу туһунан СӨ экология министиэристибэтин пресс-сулууспата иһитиннэрдэ.

Уот ылбыт иэнэ 50 га буолла.

Баһаары умулларарга 115 киһи: “Авиалесоохрана” исписэлиистэрэ, Үөһээ Бүлүүтээҕи уонна Ньурбатааҕы филиаллар баһаарынайдара, “Якутлесресурс” Үөһээ Бүлүүтээҕи уонна Ньурбатааҕы филиалларын ойууру кэтиир сулууспатыттан, ону таһынан олохтоохтортон  11 киһи үлэлииллэр.

“Уот тарҕамматын туһугар нэһилиэк өттүттэн кытыыттан киирэн үлэлииллэр. Минералламмыт балаһа ууруллар, сири-уоту тохтообокко кэтииллэр”, – диэн иһитиннэриигэ этиллэр.

Маны таһынан, улууска өссө аҕыс ойуур баһаара бэлиэтэммит. Олор “Ойуур баһаардарын хонтуруоллуур зонатыгар” киирэллэр, ол эбэтэр ойуур баһаардара нэһилиэнньэҕэ кутталы үөскэппэт буоллахтарына, умулларымыахтарын сөп.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

десять + 16 =

ЛЕНТА НОВОСТЕЙ