Үс киһини өлүүттэн быыһаабыт Кирилл Иванову наҕараадалаатылар

Комментарии Главные новости, Общество и политика

Поделиться:

НВК САХА – Геройдуу хорсун быһыыны оҥорбут, сахалыы сэмэй майгылаах, аҕыйах саҥалаах Аллараа Бэстээхтээҕи транспорт техникумун 1 кууруһун устудьуона Кирилл Иванов 2016 сыллаахха, оччолорго өссө оскуолаҕа үөрэнэ сылдьан, биир дойдулаахтарын кытта уу мотуорунан айаннаан иһэн мотуордара түҥнэстибитигэр Кирилл ыксаллаах кэмҥэ уолуйбакка, дьону өлүүттэн быыһаабыта.

Кирилл олоҕор ол кэм ыарахан өйдөбүлү хаалларбыта, дьулаан хартыынаны билигин санаабат буола сатыыр. Хорсун быһыыны, күүстээх санааны итиэннэ бэйэтин эт-хаан өттүнэн кыанарын көрдөрбүт уолчаан үөрэҕэр бастыҥнар кэккэлэригэр сылдьар, бииргэ үөрэнэр оҕолоругар куруук күүс-көмө буолар.

“Кирилл ис-иһиттэн олус сэмэй, көрсүө уол. Көрдөстөххө, чопчу толорон иһэр”, – диир куратора Розалия Дмитриева.

Кирилл хорсун быһыыта билиҥҥи ыччакка үтүө холобур буолар. Кини геройдуу быһыытын үрдүктүк сыаналаан, бүтүн Россиятааҕы «Горячее сердце» диэн уопсастыбаннай хамсааһын тэрийээччилэрэ түөскэ кэтиллэр анал бэлиэнэн наҕараадалаатылар.  –кс

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

14 + семнадцать =

ЛЕНТА НОВОСТЕЙ