СӨ Конституционнай хамыыһыйатын саҥардыллыбыт састаабын бастакы мунньаҕа буолла

Комментарии Общество и политика

Поделиться:

НВК САХА – СӨ баһылыга Айсен Николаев муус устар 16 күнүгэр Саха Өрөспүүбүлүкэтин Конституционнай хамыыһыйатын саҥардыллыбыт састаабын бастакы оробуочай сүбэ-мунньаҕын ыытта.

15 киһилээх саҥа састаап Ил Дархан ыйааҕынан 2019 сыл олунньу ыйга бигэргэммитэ.

Мунньахха тыл этэригэр Айсен Николаев тустаах хамыыһыйа судаарыстыбаннаһы бөҕөргөтүү, судаарыстыбаннай тутул тиһигин тупсарыы уонна олохтоох салайыныыны сайыннарыы  соруктарын толорор аналлааҕын бэлиэтээтэ.

Манна хамыыһыйа эппиэттээх сэкирэтээринэн Ил Дархан уонна бырабыыталыстыба дьаһалтатын судаарыстыбаннай-быраап боппуруоһугар департаменын салайааччыта Ольга Романованы таллылар. Ону таһынан оробуочай уорганнар саҥа састааптарын бигэргэттилэр.

Конституционнай көҕүлээһин быраабыгар субъектартан киирэр этиини көрөр оробуочай бөлөҕү Ил Түмэн судаарыстыбаннай тутулга уонна сокуону таһаарыыга сис кэмитиэтин бэрэссэдээтэлэ Алексей Еремеев салайар буолла.

СӨ Конституционнай хамыыһыйатын научнай-сүбэлиир Сэбиэтин бэрэссэдээтэлинэн өрөспүүбүлүкэ Конституционнай суутун бэрэссэдээтэлэ, юридическай наука доктора Александр Ким-Кимэн талылынна.

Бу туһунан СӨ салалтатын пресс-сулууспата иһитиннэрэр.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 × 3 =

ЛЕНТА НОВОСТЕЙ