СӨ массыына суолун управлениетыгар урукку салайар үлэһити хаайдылар

Комментарии Криминал и происшествие

Поделиться:

НВК САХА – Силиэстийэлиир кэмитиэт СӨ салаатын ураты суолталаах дьыалалары силиэстийэлиир отдела «СӨ массыына суолун управлениета» судаарыстыбаннай тэрилтэ массыына суолун туһаныыга салайааччытын урукку солбуйааччытыгар сыһыаннаан аһары улахан суумалаах бэриги ылыынан холуобунай дьыаланы тэрийдэ.

Силиэстийэ сабаҕалыырынан, буруйданааччы 2013 сыллаахха управление суол хаһаайыстыбатыгар экиспиэрин дуоһунаһыгар үлэлии олорон, Уус Маайа улууһугар Югоренок-Солнечнай массыына суолун көрөр-харайар кэтэх урбаанньыттан сыллата 1-дии мөлүйүөн солкуобайы биэрэрин ирдээбит. Бу сокуоннайа суох ирдэбилин толордоҕуна, салайааччы тэрилтэ толорбут үлэтин хааччаҕа суох тутарга итиэннэ кэмигэр үбү көрөргө эрэннэрбит.

Кэтэх урбаанньыт толорбут үлэтин иһин харчыны ылар инниттэн бэрик биэрэргэ күһэллибит. Маны таһынан толорбут үлэтин уһаппакка туттаран иһээри, сыллата харчыны төлүүргэ сөбүлэспит.

2013-2016 сылларга кини отдел начаалынньыгын солбуйааччытын бааҥҥа счетугар харчы ыыта олорбут. Ол түмүгэр буруйдаах сокуону кэһэн туран, 3 мөлүйүөн солкуобайы ылбыт.

2019 сыл муус устар 14 күнүгэр кинини буруйу оҥорууга уорбалаан, тутан хаайдылар. Билигин силиэстийэ барар. Борокуратуура уонна ФСБ уорганнара ыыппыт бэрэбиэркэлэрин матырыйаалынан холуобунай дьыала тэрилиннэ.

Бу туһунан Силиэстийэлиир кэмитиэт Саха сиринээҕи управлениетыттан иһитиннэрдилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

15 + 11 =

ЛЕНТА НОВОСТЕЙ