Саҥа сахалыы киинэ улахан экраҥҥа тахсыаҕа (ВИДЕО)

Комментарии Спорт и культура

Просмотров: 42

NVK-ONLINE.RU – Бу нэдиэлэҕэ саха киинэтигэр өссө биир саҥа хартыына сүрэхтэниэҕэ. Быыһыыр сулууспа үлэһиттэрин олохторун, үлэлэрин көрдөрөр киинэ ааспыт сайын уһуллан, дьон көрүүтүгэр тахсарга бэлэм буолла.

Мария Находкина сценарийыгар олоххо буолбут түгэннэри көрдөрүөхтэрэ, быыһааччы уолаттар үлэлэрин-хамнастарын сырдатыахтара.

Былырыын дойду үрдүнэн Киинэ сыла этэ. Онно олоҕуран, дойду Президенэ Россия иһигэр олорор үтүө холобур буолар дьону сырдатар киинэ устар туһунан уураах таһаарбыта. Саха сирин тыйыс айылҕатыттан ымыттыбат, толлубат үлэлээх дьон бу киинэҕэ көстүөхтэрэ.

Кырдьыга да, быыһыыр сулууспаҕа үлэлиир уолаттар бары да эт-хаан өттүнэн бэйэлэрин кыанар, өй-санаа өттүнэн тобуллаҕас толкуйдаах,  барыга бары бэлэм буолар майгылаахтар. Онуоха билиҥҥи кэм геройдара буолан, үгүс ыччакка үлэҕэ бэриниилээх буоларга, күүстээх санааланарга үтүө холобур буолаллар. Онон “Сахафильм” бу киинэнэн муҥурданар санаата суох.

Олох араас очуруттан быыһаан ылар соруктаах быыһаачы үлэтин сүрүн көстүүтэ бу хартыына5а ойууланар. Ууттан, уоттан быыһыыр үтүө санаалаах дьон үлэлэрэ уһуллан, үйэлэргэ хаалыаҕа. Муус устар 20-с күнүттэн бары киинэ тыйаатырдарыгар тахсыаҕа.



Добавить комментарий

Ваш e-mail не будет опубликован. Обязательные поля помечены *

2 + девятнадцать =