Саҥыйахтаахха күүстээх тыал түһэн уот уонна сибээс барда

Комментарии Общество и политика

Поделиться:

НВК САХА – От ыйын 11 күнүгэр Өлүөхүмэ оройуонун Саҥыйахтаах сэлиэнньэтигэр күүстээх тыал түһэн аарыма мас уот линиятыгар сууллан, сэлиэнньэ аҥара уота уонна сибээһэ суох хаалла. Энергетиктэр номнуо уот линиятын чөлүгэр түһэрдилэр, ол эрэн сибээс билигин да суох. Бу туһунан Саҥыйахтаах нэһилиэгин баһылыга Юрий Кондратьев иһитиннэрдэ.

Күүстээх тыал от ыйын 11 күнүгэр 17:00 чаас саҕана саҕаламмыт. Бастаан утаа тыал, ол кэннэ тобурах уонна күүстээх ардах түспүт.

“Дэриэбинэ иһигэр хас да маһы охтордо. Оскуола аттыгар үүнэн турбут аарыма мас уот линиятыгар сууллан улахан күчүмэҕэйдэри таһаарда. Энергетиктэр номнуо уоту чөлүгэр  түһэрдилэр, ол эрэн сибээс билигин да суох. Билигин сибээс үлэһитэ уоппускатыгар дэриэбинэ таһыгар сылдьан буолан, тустаах боппуруоһу оройуоҥҥа көтөхтүбүт”, – диэн эттэ.

Маны таһынан Саҥыйахтаахха түспүт күүстээх тыалтан дьиэлэр, култуура киинин кырыыһалара, оҕуруот эмсэҕэлээтэ.

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 + пятнадцать =

ЛЕНТА НОВОСТЕЙ