Саастаах дьон үөрэнэллэригэр истипиэндьийэ ылыахтара

Комментарии Главные новости, Общество и политика

Поделиться:

НВК САХА – Биэнсийэ иннинээҕи саастаах дойду олохтоохторо “Демография” диэн национальнай бырайыак чэрчитинэн үөрэнэллэригэр хамнас алын кээмэйин (МРОТ) саҕа истипиэндьийэ ылыахтара. Бу туһунан СӨ баһылыгын уонна бырабыыталыстыбатын портала иһитиннэрдэ.

“Үлэтэ суохтарга эрэ ый аайы истипиэндьийэ төлөнүө. Истипиэндьийэ хамнас алын кээмэйин саҕа (11 280 солкуобай). Оройуон коэффициена эбиллэр сирдэргэ бу өссө үрдүк буолуоҕа”, – диэн Россия үлэ министиэристибэтин баһылыгын солбуйааччыта Алексей Вовченко эттэ.

СӨ үлэ министиэристибэтин дааннайдарынан, оройуон коэффициенын уонна хотугу эбилиги (северная надбавка) кытта холбоон, 2019 сыл тохсунньу 1 күнүттэн хамнас алын кээмэйэ бу курдук:

– 1,7 оройуоннааҕы коэффициеннаах улуустарга – 28 200 солкуобай;

-2,0 оройуоннааҕы коэффициеннаах улуустарга – 31 584 солкуобай.

Вовченко этэринэн, бу истипиэндьийэ ый аайы төлөнөр. Ол эрээри үлэтэ эрэ суох дьоҥҥо көрүллэр.

“Тэрилтэ үлэһитин үөрэххэ ыыттаҕына, Үлэ кодексатыгар олоҕуран, хамнас төлөнөр”, – диэн чуолкайдаата.

Үөрэх быһа холоон үстүү ый ыытыллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шестнадцать − десять =

ЛЕНТА НОВОСТЕЙ