Саха иистэнньэҥнэрэ тикпит Аар олбохторо Россия рекордун кинигэтигэр киирдэ

Комментарии Общество и политика

Поделиться:

НВК САХА – Уус Алдан улууһун Үһүс саас оскуола иһинэн үлэлиир “Айар иис” куруһуок чилиэттэрэ улахан саахыматы тигэргэ кыттыбыттара. “Таҥаһынан тигиллибит саамай улахан мозаика” ааты ылан, үлэлэрэ Россия рекордун кинигэтигэр киирдэ.

Уруһуйтан саҕалаан, хаалыктаах хаамыыга тиийэ дьарыктыыр Үһүс саас оскуолата Уус Алдан улууһугар тэриллибитэ быйыл 5 сылын туолар. Аҕа саастаах дьон олох үөһүгэр сылдьан, үлэлиир-хамсыыр усулуобуйалара көхтөөхтүк тэриллэр. Олортон “Айар иис” куруһуок чилиэттэрэ «Саха таҥаһа» республикатааҕы түмсүү көҕүлээн ыыппыт «Аар олбох» бырайыакка кыттан, быйыл үлэлэрэ Россия рекордун кинигэтигэр киирдэ.

Кыбытан тигии, харыйалыы анньыы, онтон да атын оһуор-дьарҕаа ойуутун түһэрэн, “Айар иистэр” иллэҥ буолбаттар. Бочуоттаах сынньалаҥҥа да олордоллор, барыга бары көхтөөхтүк кыттан, эдэр көлүөнэҕэ холобур буолаллар.

Бу курдук республикаҕа биир бастыҥ үлэлээҕинэн биллэр Уус Алдан улууһун Үһүс саас оскуолата быйылгы дьыллаах үлэтин көмүс күһүнү көрсө, саҕалаары турар.



Поделиться:



Добавить комментарий

Ваш e-mail не будет опубликован. Обязательные поля помечены *

2 × четыре =

ЛЕНТА НОВОСТЕЙ