Саха киһитэ аймаҕын эчэтэн уонна ийэтигэр өлөрөрүнэн суоһурҕанан хаайыыга барда

Комментарии Криминал и происшествие

Поделиться:

НВК САХА – Эрдэ сууттана сылдьабыт Абый оройуонун Үрүҥ Хайа бөһүөлэгиттэн төрүттээх киһини Усуйаана оройуоннааҕы суута сэттэ сылга хаайыыга бириигэбэрдээтэ. Бу киһи аймах киһитигэр түһэн уонна ийэтигэр өлөрөрүнэн куттаан сууттанна.

Буруйу эр киһи 2017 сыл ыам ыйыгар бииргэ олорор дьахтарын кыбартыыратыгар оҥорбут. Дьиэҕэ бу киһи аймаҕа баар эбит. Дьахтары көмүскэспит, онуоха буруйдаах искэ, онтон сарынын уонна өттүгүн быһаҕынан аспыт. Эмсэҕэлээччи таһынааҕы дьиэҕэ тахсан, суһал көмөнү ыҥырарга көрдөһөн баран, муостаҕа охтубут.

“Буруйдаах манан бүппэтэх. Этиһиигэ кыттыспыт ыаллара бэйэлэрэ эчэйэ сыспыттар. Эр киһи киирэр ааны алдьата сатаабыт уонна “өлөрүөм”, “уоттуом” диэн куттаабыт”,- диэн суукка иһитиннэрдилэр.

Ол сыл ахсынньы ыйыгар аны ийэтин өлөрүөм диэн куттаабыт. Дьахтар куттанан, аймахтарыгар куоппут.

Дьахтар полицияҕа тыллаан, сайабылыанньа түһэрбит. Кэлин көрдөрүүтүттэн аккаастаммыт уонна суукка уолун көмүскэспит. Эмсэҕэлээбит аймах киһитэ эмиэ маҥнай утаа, буруйдааҕы хаайыыга ыытыан баҕарбакка, “бэйэм эчэйбитим” диэн көрдөрүү биэрбит. Сымыйа көрдөрүү иһин эппиэтинэскэ тардыллыан  сөбүн иһитиннэрбиттэрин кэннэ дьиҥнээҕи кэпсээбит. Ол гынан баран, аймаҕыттан тугу да эрэйбэтин эппит.

Суукка буруйданааччы буруйун билиммэтэх. Ыалларыгар суоһурҕаммытын сороҕун билиммит. Бириигэбэр тахсыбытын кэннэ сууттанааччы уонна кини ийэтэ суут быһаарыытыгар ааһынар үҥсүү суруйбуттар. Ол гынан баран Саха Өрөспүүбүлүкэтин Үрдүкү суута бириигэбэри уларыппатах.

–кс

 

Источник: сайт телеканала “Якутия 24”. 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

девять − 8 =

ЛЕНТА НОВОСТЕЙ