Саха киинэтин билиҥҥитэ уонна сарсыҥҥыта

Комментарии От редакции

Поделиться:

НВК САХА –  Уус-уран киинэ билигин олохпут быстыбат сорҕото буолла. Онуоха саха киноматографистарын үлэтэ кэҥээн, аан дойду улахан таһымнаах түһүлгэлэригэр сыаналанар.

Улахан экраҥҥа өссө биир үлэтин таһаараары, Степан Бурнашев үлэ үөһүгэр турунна. Сценарий ымпыгар-чымпыгар диэри ыпсарыллыбыт, оруолларга артыыстар талыллан, боруобаланан көрөллөр.

Сындылҕаннаах уһун суолу эрийэ-буруйа сыыйар суоппар хараҕынан – хоту сир олоҕо, түбүгэ, тыын кыһалҕата. Режиссер саҥа толкуйун лиэнтэҕэ түһэрэргэ эпэрээтэр Семен Ермолаев ылсар, тутаах уобараһы Федот Львов арыйыаҕа, айар бөлөх мантан салгыы Кэбээйинэн, Хаҥалаһынан, Мэҥэ Хаҥалаһынан үлэлиэҕэ.

“Биир түгэҥҥэ буолбакка, элбэхтэ, дьиҥнээхтии буолбут түбэлтэлэргэ олоҕуран уһуллар. Эһиил 2020 сылга экраҥҥа тахсыа диэн эрэнэбин”, – диэтэ Степан Бурнашев. 

Олох үөрүүтэ, санньыар курус түгэнэ, норуот дьылҕата, ураты тыына, устуоруйата, үгэһэ. Саха талааннаах дьоно сылга уонтан тахса араас хабааннаах киинэни устан таһаараллар.

Саха киинэтин сарсыҥҥытыгар быыһы арыйыахтаах, ааспыт кэми дириҥник анаарарга түөрэҕи түһэриэхтээх улахан бырайыак –“Тыгын Дархан”. Ону бу сайын эдэрдиин-эмэнниин тыһыынчанан киһи мустан, маассабай көстүүгэ кыттыспыта да туоһулуур. Киинэ ыам ыйыгар таҥыллыаҕа, тыаһын-ууһун “Мосфильмҥа” киэргэтэн, тупсаран биэриэхтэрэ.

“Бу киинэ уһуллар кэмэ, мин санаабар, саха дьонун олус сэргэхситтэ. Өбүгэлэрбит олоҕун атын харахпытынан көрөр буоллубут. Биллэн турар, бу киинэ, бастатан туран, ыччаппытыгар ананар”, – диэтэ режиссер Никита Аржаков.

Ыччакка ананар үлэ умсулҕаннаах, ол эрээри барыта эриэ-дэхси буолбатах. Дьинэ, билигин аан дойду таһымыгар суон сураҕырдыбыт, оттон бэйэбит ырыынакпыт кыараҕас, холобур, “Кэрэл” киинэ саамай муҥутаан 10 мөлүйүөнү эргиппитэ. Ол кирбии билигин да куоһарылла илик.

Саха киинэтин өһүллүбэт ис күүһэ сырдыкка сирдииригэр онон бу сүүрээн тэнийэр. Быйыл аҥардас “Сахафильм” уонтан тахса айымньылаах үлэтин киинэ тыйаатырдарыгар көрдөрүөҕэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

8 + шестнадцать =

ЛЕНТА НОВОСТЕЙ