Саха лайката – дойду үрдүнэн бастыҥ

Комментарии Общество и политика, От редакции

Поделиться:

НВК САХА – Куорат олохтооҕо Лариса Осипова саха лайката боруодалаах Сыыдам диэн ытын үс сыл анараа өттүгэр ылбыта. Маныаха соторутааҕыта Сыыдам “Евразия – 2019” норуоттар икки ардыларынааҕы ыт быһыытын-таһаатын сыаналыыр быыстапкаҕа “Арассыыйа киэн туттуута” диэн анал ааты ылан, хаһаайкатын олус үөртэ.

“Олус кыраһыабай буола улаатта. Сүүрэрэ эмиэ үчүгэй дииллэр. Быыстапкаҕа кыттыҥ диэн эппиттэригэр, үөрүүнү кытта сөбүлэспиппит. Ыппытын аһатан-сиэтэн, сууйан-тараан илдьэ сылдьыбыттарыгар улахан махталбын тиэрдэбин, кыайыыны аҕалбыттарыттан олус үөрэбин”, – диэн Лариса эттэ.

Бэлиэтээн эттэххэ, саха лайката боруода 20-с үйэ бүтүүтүгэр симэлийэр кутталламмыта, ол эрээри 90-с сылларга бу боруоданы тэнитэр үлэ саҕаламмыта. Сыралаах дьарык түмүгэр 2004 сыллаахха дойду кинологтарын федерацията тустаах боруоданы билиммитэ. Аны билигин аан дойдутааҕы кинологтар холбоһуктара билинэрин туһугар үлэ күүскэ ыытыллар.

Саха лайката майгытынан олус көрсүө-сэмэй. Кини уһук хоту үөскээбит буолан, Саха сирин тыйыс усулуобуйатыгар саамай сөптөөх. Түүтэ, өҥө онно ананан оҥоһуллубут курдук.

“Ыттарынан Өлүөнэ очуостарыгар, Суоттуга барабыт. Холобур, Новосибирскай арыыларыгар бара сылдьыбыттара, онуоха диэри кэлэ-бара 1200 км. Саха лайкалара ыраах айаны тулуйаллар”, – диэтэ саха лайкатын иитээччи Евгений Никифоров. 

Саха лайкатын тас дойду дьоно сэргии көрбүттэрэ ыраатта. Онуоха ыты үөскээбит сиригэр-уотугар үрдүктүк тутан, норуоппут биир баайын быһыытынан билинэр кэммит кэллэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × четыре =

ЛЕНТА НОВОСТЕЙ