«Саха» НКИХ «Эн-сулускун 50+» саҥа бырайыага үлэтин саҕалаата

Comments (1) Главные новости, От редакции

Поделиться:

НВК САХА –  Бүгүҥҥүттэн, олунньу 11 күнүттэн, “Саха” НКИХ ханаалыгар “Эн-сулускун 50+” саҥа  куонкуруһа үлэтин саҕалыыр.

Саха сирин талааннаах 50-тан аҕа саастаах дьоно ыллыыр дьоҕурдарын киэҥ араҥаҕа таһаарар долгутуулаах түгэннэрин көрөргүтүгэр ыҥырабыт. Олунньу 9 күнүгэр номнуо кастинг бастакы күнүгэр 32 кыттааччы уһулунна. Кастинг икки ый устата ыытыллыаҕа.

“Саҥа бырайыак норуодунай буолуо диэн эттэхпинэ, сыыспатым буолуо. Кыттааччыларбыт өрөспүүбүлүкэбит араас улуустарыттан – Өймөкөөнтөн, Муоматтан тиийиэ кэлэллэр. Ырыа куттаах аҕа саастаах 300-чэкэ кэриҥэ дьон кыттар баҕаларын биллэрэн, сайаапка ыыттылар. Онон сайаапка ыыппыт дьон, тэрийээччилэр эрийэллэрин күүтүҥ”, – диэн куонкурус продюсера Марина Пермякова эттэ.

“Эн-сулускун” куонкурус биэриитэ бэнидиэнньиктэн чэппиэргэ диэри киэһэ 20:45 чаастан саҕаланар. Оттон хас субуота ахсын 19:00 чааска быһа эфиргэ кастины ааспыт дьон кыттыахтара.

Дьүүллүүр сүбэҕэ идэтийбит ырыаһыттар, ырыа эйгэтигэр өр сыл үлэлээбит артыыстар, продюсердар, саха тэлэбиидьэнньэтин үлэһиттэрэ киириэхтэрэ, онон састааба уларыйа сылдьыаҕа. Кинилэр кыттааччылары сыаналаан, кэлэр түһүмэххэ аһарар сыаналарын этиэхтэрэ.

Быһа эфиргэ кыттар, ыллыыр олус долгутуулаах буолара саарбаҕа суох. Онон кыттааччылары оҕолоро, сиэттэрэ, табаарыстара кэлэн өйүөхтэрэ.

Бырайыак ыыттааччылара Индира Софронова, Георгий Белоусов көрөөччүлэргэ анаан саҥа ааттары арыйыахтара, талааннаах биир дойдулаахтарбытын билиһиннэриэхтэрэ.

Бырайыак бүтэһик түһүмэҕэ муус устар ый бүтүүтэ буолуоҕа. Кыайыылаахтарга сыаналаах бириистэри туттарыахтара.

 

 

 



Поделиться:




Наш Telegram
Отправляйте свои новости на горячую линию: +7(914)2734488

ответ(а) «Саха» НКИХ «Эн-сулускун 50+» саҥа бырайыага үлэтин саҕалаата

  1. Светлана Сергеева:

    Дорооболоруҥ! Бу күрэх кырдьык норуодунай буолуо диэбиккит туолла диэтэхпинэ сыыспатым буолуо. Хас киэһэ аайы көрөбүт,күүтэбит. Тэрийээччилэргэ махтал! Ол гынан баран, тус санаабын этиэхпин баҕарабын,кыттааччылар истэригэр культура үөрэхтээхтэр,араас күрэхтэр кыайыылаахтара бааллара сыыһа дии саныыбын. Тоҕо күрэххэ кыттыахтаахтарый, кинилэр дьон биһирэбилин ылбыт дьон буоллахтара. Саҥа ыллыыр дьоҥҥо кыах биэрбэттэр.

Добавить комментарий

Ваш e-mail не будет опубликован. Обязательные поля помечены *

5 × 1 =

ЛЕНТА НОВОСТЕЙ