«Саха» НКИХ көрдөөх тэттик киинэлэригэр уһуллаары, элбэх киһи холонон көрдө

Комментарии От редакции

Поделиться:

НВК САХА – “Саха” НКИХ саҥа сыл саҕаланыытыгар көрөөччүлэригэр анаан “Айуу, чэ!” диэн ааттаах өссө биир сериалы устар былааннаах. Көрдөөх тэттик киинэ уопсайа 390 сиэрийэлээх буолуоҕа. Манна идэтийбит артыыстар буолбакка, норуоттан талыллыбыт талааннаах дьон оонньуохтара.

“Сүрүн дьоруойдар оруолларыгар түөрт киһини талыахтаахпыт. Ол гынан баран, наһаа элбэх талааннаах киһи кастиҥҥа кэллэ. Кулун тутар 1 күнүттэн “Айуу, чэ!” саҥа сериалы көрөргүтүгэр ыҥырабыт”, – диэтэ сценарист Сардаана Плотникова.

Артыыстары талар түһүмэххэ норуоттан баҕа өттүнэн 100-тэн тахса киһи кытынна. Ирдэбил быһыытынан, 25-тэриттэн үөһэ саастаах дьон араас улуустартан тиийэ кэллилэр. Итиэннэ көр-күлүү түһүлгэлэригэр кыттар уопуттаах ыччат эмиэ баар.

Тэрийэр бөлөх бэлиэтииринэн, кастиҥҥа олус талааннаах, чаҕылхай дьон бэйэтин холонно. Тэттик киинэни олунньу ыйтан устан саҕалыахтара, оттон күөх экраҥҥа номнуо кулун тутар 1 күнүттэн тахсара былааннанар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

9 + 5 =

ЛЕНТА НОВОСТЕЙ