«Саха» НКИХ Мэҥэ Хаҥаласка Доҕордоһуу күнүгэр кытынна

Комментарии От редакции

Поделиться:

НВК САХА – Кулун тутар 20 күнүгэр “Саха” национальнай көрдөрөр-иһитиннэрэр хампаанньа, Дьокуускайдааҕы култуура уонна ускуустуба колледжын устудьуоннара, үлэһиттэрэ, Мэҥэ Хаҥаластааҕы култуура салалтата уонна Майа олохтоох дьаһалтата табаарыстаһыы көрсүһүүгэ муһуннулар.

Бу үөрүүлээх күн күрэхтэһиинэн саҕаланна. Ол курдук Майа сэлиэнньэтигэр “Манчаары” успуорт комплексатыгар сыалы таба быраҕыыга, волейболга, ырааҕы ыстаныыга, канат тардыһыытыгар уонна да атын көрүҥнэргэ күөн көрүстүлэр, илин-кэлин түһүстүлэр.

 

Тыҥааһыннаах киирсиилэр кэннэ муҥутуур кыайыылааҕынан Дьокуускайдааҕы култуура уонна ускуустуба колледжын спортсменнара таҕыстылар. Иккис миэстэни “Саха” НКИХ хамаандата ылла, үһүс миэстэни Мэҥэ Хаҥаластааҕы култуура салалтатын хамаандата ситистэ уонна төрдүс миэстэни Майа олохтоох дьаһалтатын хамаандата ылла.

Үөрүүлээх түгэҥҥэ кыайыылаахтар, бары кыттааччылар кубогынан, мэтээлинэн, кырааматанан наҕараадаланнылар.

Ону таһынан ыалдьыттар Майа орто оскуолаларыгар сылдан, үөрэнээччилэри кытта көрүстүлэр. Идэни сөпкө талыы, устудьуон олоҕун туһунан кэпсэтии бэрт сэргэхтик ааста. Итиэннэ уопсастыбаннай түмсүүлэр салайааччыларын кытта санаа атастаһыыта буолла.

Оттон Д.Ф. Ходулов аатынан Норуот айымньытын дьиэтигэр “Саха” НКИХ үлэһиттэрэ уонна Дьокуускайдааҕы култуура уонна ускуустуба колледжын салайааччылара, устудьуоннара ыллам ырыалары ыллаатылар, үҥкүүлээн дайдылар. Бу кэрэ киэһэҕэ хас биирдии ырыа, үҥкүү, хоһоон, чабырҕах ааҕыыта ис сүрэхтэн толоруллан, Майа дьонугар-сэргэтигэр истиҥ бэлэх буолла. Кэнсиэр саҕаланыаҕыттан бүтүөр диэри ытыс тыаһа ньиргийэн олордо.

 

 

Бу дьиҥ бырааһынньыктыы күн үөрүүлээх-көтүүлээх, өрө көтөҕүллүүлээхтик ааста. Инникитин даҕаны бу курдук доҕордоһуу көрсүһүү үүнэр көлүөнэҕэ бастыҥ холобур буолан, ситимин быспакка ыытылла турдун.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

4 × один =

ЛЕНТА НОВОСТЕЙ