«Саха» НКИХ сериал уһулан саҕалаата

Комментарии От редакции

Просмотров: 214

NVK-ONLINE.RU – Горнайга суруналыыс, суруйааччы Дана Сард «Ааспыт ааспат амтана» айымньытыгар олоҕуран, элбэх сериялаах киинэни устан  саҕалаатылар.

«Ааспыт ааспат амтана» айымньыны ааҕаат, ураты кэрэ эйгэлээх , чараас дууһалаах Дайаана уустук, эриирдээх-мускуурдаах олоҕун камера таас хараҕар хатаан, киинэ хартыынатын уһулар санаа режиссер Марина Платоноваҕа бу кыһыҥҥыттан киирбит. Марина уус-уран өттүнэн салайарга аан маҥнайгы холонуута.

Онон саҥалыы тыын, аныгылыы үргүөр бу хартыынаҕа үгүөрү буолара күүтүллэр. Киинэни сүрүннээн киин куоракка итиэннэ Бэрдьигэстээххэ устуохтара. Устуу үлэтэ ала-чуо Горнайга ыытыллара төрүөттэрдээх.

Оруоллары сүрүннээн Саха театрын, эстрада театрын артыыстара итиэннэ «Саха» НКИХ үлэһиттэрэ толороллор. Сүрүн героиня Дайаана уобараһын арыйарга Саха театрын артыыскатыгар Ирина Никифороваҕа итэҕэйбиттэр.

Даҕатан эттэххэ, республикаҕа элбэх сериялаах киинэ кэлиҥҥи кэмҥэ суоҕун кэриэтэ. Онон хампаанньа толору бэйэтин күүһүн ууран устан саҕалаата.
Көрөөччүлэр аны кыһын «Саха» НКИХ каналыгар 16 сиэрийэ устата «Ааспыт ааспат амтана» киинэ геройдарын умсугутуулаах олохторун кэрчигин кэтиэхтэрэ.



Добавить комментарий

Ваш e-mail не будет опубликован. Обязательные поля помечены *

11 − шесть =