«Саха» НКИХ Сунтаардааҕы филиала саҥа реалити-шоу уһулла

Комментарии Главные новости, Общество и политика

Поделиться:

НВК САХА – “Саха” НКИХ Сунтаардааҕы филиала быйыл үһүс төгүлүн реалити-шоу тэрийэн ыытар. Ааспыт сылларга уһуллубут “Ферма – 2. Дьол тааһа” бырайыак дьон биһирэбилин ылан, билигин ютубка бу биэриини 35 тыһыынча кэриҥэ киһи көрбүт. Быйыл Тэҥкэ сиригэр-уотугар “Сэттэ күн. Абааһы балаҕана” диэн бырайыагы түмүктээтилэр.

“Сэттэ күн. Абааһы балаҕана” бырайыакка алталыы сулумах уолаттар, кыргыттар кытыннылар. Сэттэ күн устата Сунтаар эр бэртэрэ бэлэмнээбит тургутууларыгар ыччаттар туох баар күүстэрин-уохтарын ууран кытыннылар.

Бэйэлэрин көрдөрүөн, кыахтарын тургутан көрүөн баҕалаах ыччат Сунтаартан, Хаҥаластан, Амматтан, Тааттаттан тиийэ кэллилэр. Икки хамаандаҕа арахсан, аһаҕас халлаан анныгар балааккаларга олордулар. Ыччаттар үөнү-көйүүрү аахсыбакка, айылҕа тургутуутун эмиэ тэҥҥэ аастылар.

“Наһаа үчүгэй тургутуу буолла. Хаһан даҕаны манныкка боруобаламматаҕым. Аармыйаҕа сылдьыбатах буолан билбэппин, ыарахан этэ”, -дэһэллэр кыттааччылар.

Бырайыак биир сүрүн сыала – кыттааччылар икки ардыларыгар истиҥ сыһыаны үөскэтии. Онон хамаандаларынан эрэ буолбакка, ханыыларынан эмиэ үлэ ыытылынна. Манна ыал буоларга төһө бэлэмнэрэ билиннэ, дьахтар уонна эр киһи сыһыаннарыгар сүбэ-соргу ыллылар.

“Сулумахпын, үлэлээхпин, дьиэлээхпин, массыына диэтэххэ, массыына да баар. Чөл олоҕу тутуһабын, спордунан дьарыктанабын”, – диэн кыттааччылар кэпсииллэр.

Айылҕа тургутуута сэттэ күн иһигэр эдэр дьон сиэрин-майгытын ырылыччы көрдөрдө, бырайыакка ким кыайыылаах-хотуулаах тахсыбытын алтынньы ыйга күөх экраҥҥа көрөөрүҥ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

6 − один =

ЛЕНТА НОВОСТЕЙ