«Саха» НКИХ суруналыыһа Ольга Захарова айымньылаахтык үлэлээбитэ 35 сыл буолла

Комментарии Главные новости, Общество и политика

Поделиться:

НВК САХА – Аҕа дойду Улуу сэриитин дьоруойа уонна араадьыйа суруналыыһа Николай Кондаков аатынан бириэмийэ 2010 сыллаахтан туттарыллар. Быйылгы бириэмийэни “Саха” НКИХ Сунтаардааҕы филиалын шеф-редактора Ольга Захарова ылла.

Хас күн ахсын Ольга Захарова Сунтаар улууһун устуоруйатын, сонуннарын кэпсээбитэ номнуо 35 сыл буолла. Николай Кондаков аатынан бириэмийэни илиитигэр тутан, айар үлэтигэр өссө кынатанна.

“Николай Кондаков аатынан бириэмийэни ылыы өр сыллаах үлэм үрдүк сыанабыла буолар. Суруналыыс диэн, мин өйдөбүлбүнэн, патриот, дойдутун таптыыр, биир дойдулаахтарынан киэн туттар буолуохтаах”, – диэтэ Ольга.

Уопуттаах суруналыыс үтүмэн үгүс дьоруойдарын тэлэбиисэр нөҥүө көрдөрөн, хаһыакка суруйан, кинигэҕэ тиһэн, үтүө үлэһит дьону үйэтитэр. Истиҥ тылларынан суруллубут матырыйаалларыгар кини бэйэтин дьоруойдарын таптыыра, ытыктыыра арылхайдык көстөр.

Ольга Захарова ордук үлэни-хамнаһы, саҥа саҕалааһыннары, дойдутун дьонун сырдатарын сөбүлүүр. Биир табыллыбыт матырыйаал күннээҕи хомолтону, мунчаарыыны киэр илгиэн сөп.

“Быйыл былааным олус элбэх. Көмүс сиэрийэ сэттэ кинигэтин Саҥа дьылга бүтэриэхтээхпин, ону тэҥэ аҕам туһунан аудио-кинигэ бэлэмнии сылдьабын, хас даҕаны киинэлэр уонна сурунааллар бааллар”, – диэн Ольга инники былааннарын үллэһиннэ.

Ситиһиилээх үлэ, мындыр өй үрдүктүк сыаналанар. Үтүө майгы, олоххо сыһыан мэлдьи хайҕанар, ытыктанар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

6 + двадцать =

ЛЕНТА НОВОСТЕЙ