«Саха» НКИХ суруналыыһыгар Наталья Сазоноваҕа «Гражданскай килбиэн» анал бэлиэни туттардылар

Комментарии Общество и политика

Поделиться:

НВК САХА – “Саха” НКИХ суруналыыһыгар Наталья Сазоноваҕа СӨ “Гражданскай килбиэн” бэлиэтин уонна “Саха” НКИХ кыһыл көмүс бэлиэтин туттардылар.

Үөрүүлээх тэрээһин Москваҕа Саха сирин бастайааннай бэрэстэбиитэлистибэтигэр ыытылынна. Натальяҕа өрөспүүбүлүкэ бастайааннай бэрэстэбиитэлэ Андрей Федотов уонна “Саха” НКИХ генеральнай дириэктэрэ Олег Марков наҕарааданы туттардылар.

Саха тэлэбиидьэнньэтигэр Наталья Сазонова 40-тан тахса сыл үлэлээбититтэн, 23 сыл устата “Саха” НКИХ Москваҕа баар кэрэспэдьиэн пуунун салайбыта. Кини куолаһын Саха сиригэр билбэт киһи диэн суоҕа буолуо.

Наталья Сазонова оҥорбут биэриилэрэ, холобур, “Киин сирдэргэ үөрэнэр устудьуоннар Саҥа дьыллааҕы эҕэрдэлэрэ” (“Новогодние поздравления студентов из центровузов”), “Коломенскайга ыһыах” (“Ысыах в Коломенском”), бэлиитикэ булуога, “Саха сирин баһылыгын кытта кэпсэтии” уо.д.а. бырайыактарын дьон сэргээн көрөр.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять + восемь =

ЛЕНТА НОВОСТЕЙ