Саха сирэ 2018 сыл түмүгүнэн судаарыстыбаннай иэһин 1 млрд 181 мөл солкуобайынан кыччатта

Комментарии Экономика и сельское хозяйство

Поделиться:

НВК САХА -Саха сирин үбүн миниистирэ Валерий Жондоров тохсунньу 31 күнүгэр эбии дохуот көмөтүнэн 2018 сылга өрөспүүбүлүкэ судаарыстыбаннай иэһин 1 млрд 181 мөл солкуобайынан кыччатта диэн иһитиннэрдэ. Бу туһунан СӨ баһылыгын уонна бырабыыталыстыбатын пресс-сулууспата суруйар.

Ону таһынан миниистир эппитинэн, 2018 сылга СӨ судаарыстыбаннай бүддьүөтүн сүрүн көрдөрүүлэрин толоруу 219 млрд солкуобайга тэҥнэспит, эбэтэр былааннааҕы көрдөрүү 105,1%. 2017 сылга тэҥнээтэххэ, дохуот киириитэ 41 млрд 910 мөл солкуобайынан элбээбит.

Арассыыйа үбүн министиэристибэтэ иһитиннэрбитинэн, дойду үрдүнэн консолидированнай бүддьүөт 15% үрдээбит, оттон Саха сиригэр 23% тэҥнэспит диэн Жондоров эттэ.

“Нолуок киириитэ 24 млрд солкуобайынан үрдээтэ. Ону таһынан тэрилтэлэр барыстаналларыгар нолуок киириитэ 22 млрд солкуобайынан улаатта. Ньиэп, алмаас хостооһунун салаатыгар таска таһаарар тэрилтэлэртэн киириигэ РФ социальнай-экэнимиичэскэй көрдөрүүлэрэ дьайдылар”, – диэн Валерий Жондоров бэлиэтээтэ.

2018 сыл түмүгүнэн федеральнай бүддьүөттэн өрөспүүбүлүкэ судаарыстыбаннай бүддьүөтүгэр киирэр үп 11 млрд солкуобайынан үрдээтэ.

Оттон бүддьүөт ороскуотун чааһын туһунан эттэххэ, 2018 сылга ороскуот чааһа 208 млрд солкуобай туолла.

“РФ үбүн министиэристибэтэ этэринэн, дойду үрдүнэн 70-ча субъект 2018 сылы 500 млрд солкуобай ордуктаах (профицит) түмүктээтилэр. Ол 2007 сылтан суох көрдөрүү”, – диэн миниистир эттэ.

 

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один × 2 =

ЛЕНТА НОВОСТЕЙ