Саха сирэ Ломоносов аатынан Москватааҕы судаарыстыбаннай үнүбэрситиэти кытта бииргэ үлэлиир соруктаах

Комментарии Общество и политика

Поделиться:

НВК САХА – Оробуочай көрсүһүү кэмигэр СӨ бырабыыталыстыбатын бэрэссэдээтэлэ Владимир Солодов Саха сирин уонна М.В. Ломоносов аатынан Москватааҕы судаарыстыбаннай үнүбэрситиэт икки ардыгар наука уонна үрдүк үөрэх эйгэтигэр бииргэ үлэлээһини сайыннарыы боппуруоһун дьүүллэстэ.

Солодов бэлиэтииринэн, өрөспүүбүлүкэ учуонайдарын уонна үнүбэрситиэт научнай оскуолаларын салайааччыларын икки ардыларыгар номнуо кэккэ сэминээр, көрсүһүү ыытыллыбыт. Онно кэпсэппиттэринэн, экология, ирбэт тоҥу чинчийии, мэдиссиинэ, саҥа матырыйаллар, мэдиссиинэ быһаарыыларын, үөрэххэ уйулҕаны чинчийии, экэниэмикэ уонна инновация култуурунай төрүтүн хайысхатыгар мэлдьи үлэлиир научнай бөлөхтөр тэриллиэхтэрэ.

Сайын саҕаланыар диэри салгыы бииргэ үлэлээһин сөбүлэһиитин бэлэмниир былааннаахтар.

Өрүттэр сүрүн хайысхаларынан салгыы чопчу үлэни ыытар туһунан сөбүлэстилэр. Онно олоҕуран, СӨ баһылыга Айсен Николаев уонна Москватааҕы судаарыстыбаннай  үнүбэрситиэт ректора Виктор Садовничай официальнай көрсүһүүтүн бэлэмниэхтэрэ. Бу көрсүһүүгэ наука эйгэтигэр бииргэ үлэлээһин кэскиллээх хайысхатын быһаарыахтара.

Маны таһынан кэпсэтиигэ  Саха сирэ кэнники сылларга IT-технология сайдыытын киинэ буолан эрэрин бэлиэтээтилэр.  Онуоха маннык ураты ситиһии нэһилиэнньэ аҕыйаҕын уонна олох-дьаһах тыйыс усулуобуйатын кытта дьүөрэлэспэт. Маннык көстүүнү чинчийии иитинэн өрөспүүбүлүкэ наукатын үлэһиттэрэ үнүбүрсүтүөт экономическай факультетын кытта научнай бырайыагы ырытан оҥороллор. Бу туһунан СӨ салалтатын пресс-сулууспата иһитиннэрэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шестнадцать − девять =

ЛЕНТА НОВОСТЕЙ