Саха сирэ уонна Иркутскай уобалас бииргэ үлэлэһэр туһунан сөбүлэҥ түһэристилэр

Комментарии Главные новости, Экономика и сельское хозяйство

Поделиться:

НВК САХА – Саха сирэ уонна Иркутскай уобалас бииргэ үлэлэһэр туһунан сөбүлэҥ түһэристилэр. Бүгүн, олунньу 14 күнүгэр, Сочига ыытылла турар Арассыыйатааҕы инвестиция пуорумугар сөбүлэҥҥэ илии баттаатылар.

Дуогабарга 2019 сылтан 2023 сылга диэри социальнай-экэнэмиичэскэй, билим-тэхиньиичэскэй уонна култуура эйгэтигэр бииргэ үлэлэһии туһунан этиллэр.

Сөбүлэҥҥэ Ил Дархан Айсен Николаев уонна Иркутскай уобалас күбүрүнээтэрэ Сергей Левченко илии баттаатылар.

“Икки ыаллыы турар эрэгийиэн сайдарыгар бу сөбүлэҥ тирэх буолуо диэн эрэнэбит. Араас эйгэҕэ тэҥ көрүүлээхпит. Көдьүүстээхтик уонна таһаарыылаахтык үлэлиэхпит”, -диэн Айсен Николаев эттэ.

Сергей Левченко бэлиэтээбитинэн, Саха сирэ уонна Иркутскай уобалас ыаллыы туралларын иһин маарыннаһар өрүттэрэ элбэх. Ону таһынан социальнай уонна экэнэмиичэскэй хайысхаҕа бэйэ-бэйэлэрин ситэрсэн биэрэллэр.

Арассыыйатааҕы инвестиция пуорумун дьыалабыай бырагыраамата үс сүрүн хайысхалаах – “Арассыыйа дьыалабыай туруга” (“Деловой климат в России”), “Эрэгийиэн бэлиитикэтэ” (“Региональная политика”) уонна “Саҥа социальнай бэбиэскэ” (“Новая социальная повестка”), ону таһынан пуорумнар, быыстапка ыытыллаллар.

Дьыалабыай бырагыраамаҕа сүрүн болҕомто национальнай бырайыактары федеральнай уонна эрэгийиэн таһымыгар олоххо киллэриигэ туһуланар. Ону таһынан РФ субъектарыгар экэниэмикэ сүрүн хайысхаларын уонна инвестиция инникитин көрүөхтэрэ. Пуорумҥа былаас уорганнара уонна урбаан бэрэстэбиитэллэрэ кытталлар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два × три =

ЛЕНТА НОВОСТЕЙ