Саха сиригэр 11 тыһыынча га иэннээх умайа турар ойуур баһаарын хонтуруолга туталлар

Комментарии Главные новости, Общество и политика

Поделиться:

НВК САХА – Саха сиригэр 11 тыһыынча га иэннээх умайа турар ойуур баһаарын хонтуруолга туталлар. Ойуур баһаардарын суһал балаһыанньатын уонна Саха сирин нэһилиэнньэтин олоҕо куттала суох буолуутун боппуруостарын туһунан бэҕэһээ, от ыйын 11 күнүгэр Ил Дархан эбээһинэһин быстах кэмҥэ толорооччу Айсен Николаев дойду гражданскай оборонаҕа, ыксаллаах быһыыга-майгыга уонна айылҕа быһылаанын туоратар министиэристибэ салайааччытын Евгений Зиничевы кытта көрсөн кэпсэттилэр. Бу туһунан Ил Дархан уонна бырабыыталыстыба пресс-сулууспата иһитиннэрэр.

“Саха сирин киин уонна соҕуруу өттүгэр улахан ойуур баһаардара бааллар. Күүспүтүн холбоон бу баһаардары кылгас кэм иһигэр умулларыахпыт диэн бүк эрэнэбин”, – диэн Айсен Николаев эттэ.

Дойду ыксаллаах быһыыга-майгыга министиэристибэтин уонна өрөспүүбүлүкэтээҕи сулууспалар үлэлэрин икки өттүттэн хайҕаатылар. Үөһээ Бүлүүгэ уонна Кэбээйигэ умайа турар ойуур баһаардарын ардах түһэн намтатта, онон сотору кэминэн бу баһаардары умулларыахтара диэн бэлиэтээтилэр. Маны сэргэ сааскы халаан содулун туоратыы туһунан боппуруоһу эмиэ таарыйдылар.

Ил Дархан эбээһинэһин быстах кэмҥэ толорооччу Айсен Николаев миниистир Евгений Зиничевка тустаах боппуруоска дойду бырабыыталыстыбатын дьаһала тахсарыгар көмө-тирэх буолбутун иһин махтанна. Билигин федеральнай биэдэмистибэлэри кытта үлэ түмүктүүр түһүмэххэ тиийдэ.

Боппуруоһу эрдэ Ил Дархан эбээһинэһин быстах кэмҥэ толорооччу Айсен Николаев дойду бырабыыталыстыбатын бэрэссэдээтэлин маҥнагйы солбуйааччы, үп миниистирин Антон Силуановы кытта көрсүһүүтүгэр дьүүллэспиттэрэ. “Евгений Зиничев Саха сиригэр көмөлөһөр сыаллаах дойду бырабыыталыстыбатын нормативнай быраап аахтата түргэнник тахсарыгар көмө буоларын туһунан биллэрдэ”, – диэн Ил Дархан эбээһинэһин быстах кэмҥэ толорооччу иһитиннэрдэ.

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

9 − 4 =

ЛЕНТА НОВОСТЕЙ