Саха сиригэр 2024 сылга диэри тыһыынчаттан тахса км суол өрөмүөннэниэ

Комментарии Главные новости, Общество и политика

Поделиться:

НВК САХА – Саха сиригэр алта сыл иһигэр тыһыынчаттан тахса км суол өрөмүөннэниэ. Национальнай бырайыак иитинэн, бу сорукка Саха сирэ 2024 сылга диэри 30 млрд кэриҥэ солкуобайы ороскуоттуо.

Аҥардас Дьокуускай куоракка 9 млрд көрүллүбүт. Бу харчыга 200 км усталаах суолу оҥоруохтара. Ил Дархан Айсен Николаев бэлиэтээбитинэн, суолу оҥорууга хонтуруол күүһүрүөҕэ.

Тутар эрэ тэрилтэлэри талыыга буолбакка, үлэ хаачыстыбатыгар эмиэ болҕомто ууруллуо. Маны тэҥэ киин улуустары сэргэ хоту эргин суоллары эмиэ өрөмүөннүөхтэрэ диэн Ил Дархан чопчулуур.

“Билигин 100 км-тэн аһара тахсаммыт, сыл аайы 200 км суол оҥоһуллуохтаах. Ол аата суолу тутар тэтиммит 10 төгүл түргэтиэхтээх. Бэдэрээччиттэр, тырааныспар министиэристибэтэ, улуустар салалталара холбоһон, суолу түргэнник уонна хаачыстыбалаахтык тутан, дьон туһатыгар таһаарыахтаахтар. “Яна”, “Умнас”, “Амма” о.д.а. суолларга күүстээх үлэ ыытыллыаҕа. Уопсастыбаннас, тустаах уорганнар да өттүлэриттэн хонтуруол баар буолуоҕа”, – диэтэ Ил Дархан. 

Арассыыйаҕа “Куттала суох уонна хаачыстыбалаах суоллар” национальнай бырайыагы олоххо киллэрэргэ 4,8 трлн солкуобай ирдэнэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

5 × четыре =

ЛЕНТА НОВОСТЕЙ