Саха сиригэр 22 ойуур баһаарын утары охсуһаллар

Комментарии Криминал и происшествие

Поделиться:

НВК САХА – От ыйын 12 күнүнээҕи туругунан Саха сиригэр 12,6 тыһыынча га иэннээх 22 ойуур баһаарын утары охсуһаллар. Бу туһунан СӨ ойуур сыһыаннаһыыларын департаменын пресс-сулууспата иһитиннэрэр.

«Саха сирин үрдүнэн уопсайа 14 ойуур баһараа умайар: Аммаҕа 5 га иэннээх биир ойуур баһаара, Үөһээ Бүлүүгэ 2,6 тыһыынча га иэннээх биир ойуур баһаара, Горнайга 2,3 тыһыынча га иэннээх икки ойуур баһаара, Намҥа 5,5 га иэннээх сэттэ ойуур баһаара, Өлүөхүмэҕэ 170 га иэннээх икки ойуур баһаара, Уус Алдаҥҥа 1 га иэннээх биир ойуур баһаара», – диэн иһитиннэриигэ чопчуланар.

Алта ойуур баһаарын төгүрүйдүлэр: Кэбээйигэ тыһыынчаттан тахса га иэннээх биир ойуур баһаарын, Ленскэйгэ 90 га иэннээх биир ойуур баһаарын, Мэҥэ Хаҥаласка 170 га иэннээх биир ойуур баһаарын, Намҥа 25,3 га иэннээх икки ойуур баһаарын, Ньурбаҕа 55 га иэннээх биир ойуур баһаарын, Өлүөхүмэҕэ 150 га иэннээх биир ойуур баһаарын, Томпоҕо 344 га иэннээх биир ойуур баһаарын төгүрүйдүлэр.

Ойуур баһаарын умулларыыга 56 техника ол иһигэр 39 тыраахтыр, 568 киһи, ол иһигэр 254 авиа баһаарынньык, 90 ойуур хаһаайыстыбатын, алта ыксаллаах быһыы-майгы министиэристибэтин үлэһитэ, 20 сири наймылаһааччы уонна 189 олохтоох дьон үлэлииллэр.

Өрөспүүбүлүкэҕэ ойуур баһаарын сезона саҕаланыаҕыттан 34,7 тыһыынча га иэннээх 118 ойуур баһаарын умулларар үлэ ыытылынна. Былырыын баччаларга 396,3 тыһыынча 379 ойуур баһаара бэлиэтэммитэ.

 

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двадцать − десять =

ЛЕНТА НОВОСТЕЙ