Саха сиригэр алта ойуур баһаара бэлиэтэнэр

Комментарии Главные новости, Криминал и происшествие

Поделиться:

НВК САХА – Бэс ыйын 12 күнүттэн Саха сиригэр ойуур баһаарын ахсаана 21-тэн алтаҕа диэри аччаата. Бэс ыйын 15 күнүнээҕи туругунан, өрөспүүбүлүкэҕэ 5 тыһыынча 790 гектар иэннээх алта ойуур баһаара бэлиэтэнэр. Бу туһунан СӨ ойуур сыһыаннаһыыларын департамена иһитиннэрэр.

“Ленскэй оройуонугар 490 га, Мииринэй оройуонугар 200 га, Таатта оройуонугар 1,4 тыһыынча га иэннээх ойуур баһаара бэлиэтэнэр”, – диэн иһитиннэриигэ чопчуланар.

Мииринэй оройуонугар 130 га, Ньурба оройуонугар 370 га, Сунтаар оройуонугар 1,4 га иэннээх үс ойуур баһаардарын төгүрүйдүлэр.

Баһаары умулларыыга 173 парашюттаах десантник биригээдэтэ, 42 ойуур хаһаайыстыбатын, 30 ыксаллаах быһыы-майгы министиэристибэтин үлэһиттэрэ, 63 олохтоох дьон, 3 наймылаһааччы дьон итиэннэ 18 техника үлэлиир.

Быйыл ойуур баһаарын сезона саҕаланыаҕыттан өрөспүүбүлүкэҕэ 8 тыһыынча га иэннээх сиргэ 43 ойуур баһаара бэлиэтэннэ. Былырыын баччаларга 4,1 тыһыынча га иэннээх 80 ойуур баһаара бэлиэтэммитэ.-ом//яв

Источник: сайт телеканала «Якутия 24».



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

1 + девятнадцать =

ЛЕНТА НОВОСТЕЙ