Саха сиригэр алта успуорт саалатыгар хапытаалынай өрөмүөн ыытыахтара

Комментарии Главные новости, Экономика и сельское хозяйство

Поделиться:

НВК САХА – “Үөрэхтээһини сайыннарыы” (“Развитие образования”) федеральнай судаарыстыбаннай бырагыраама иитинэн тыа сирин оскуолаларыгар алта успуорт саалатын өрөмүөннүөхтэрэ.

СӨ үөрэх уонна наука министиэристибэтин хамыыһыйата “Биир ньыгыл Арассыыйа” баартыйаны, министиэристибэлэри уонна биэдэмистибэлэри кытта өрөспүүбүлүкэ бүддьүөтүттэн субсидия ыларга тыа сирин 25 оскуолатын сайаапкатын көрдүлэр.

Ол курдук Нам улууһун Нам 2№-дээх орто оскуолата, Сунтаар улууһун Уустуйа орто оскуолата, Мэҥэ Хаҥалас улууһун Бэдьимэ орто оскуолата, Уус Маайа улууһун Н.А. Атласов аатынан Эдьээн орто оскуолата уонна Хаҥалас улууһун П.С. Скрябин аатынан I Дьөмкөн орто оскуолата хапытаалынай өрөмүөн ыытарга субсидия ылыахтара.

Ону таһынан хамыыһыйа С.А. Новгородов аатынан Чурапчы орто оскуолатын сайаапкатын бигэргэттэ. Онон үөрэнэр хостору успуорт саалатыгар уларытыахтара.

Үп-харчы “Оҕо успуорда” бырайыак иитинэн ыытыллыа.

“Ыччаппыт чэгиэн, чиҥ уонна күүстээх буолуохтаах. “Оҕо успуорда” диэн баартыйа бырайыага бу курдук сыаллаах. Ону олоххо киллэрээри, эрэгийиэннэргэ стадионнары тутуохтара, успуорт тэрээһиннэрин ыытыахтара, оттон эргэ успуорт саалаларын саҥардан биэриэхтэрэ”, – диэн Ил Түмэн ыччат дьыалаларыгар, физическэй култуураҕа уонна успуорка сис кэмитиэт бэрэссэдээтэлэ Михаил Гуляев кэпсээтэ.

“Оҕо успуорда” бырайыакка инникитин өссө элбэх үп-харчы көрүллүө.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × два =

ЛЕНТА НОВОСТЕЙ