Саха сиригэр бөҕү харайар сэттэ эбийиэк тутуута былааннанар

Комментарии Общество и политика

Поделиться:

НВК  САХА – “Экология” национальнай бырайыак иитинэн өрөспүүбүлүкэҕэ тобоҕу харайар уонна таҥастыыр сэттэ тутуу бырайыага оҥоһуллар диэн ОДьКХ министиэристибэтин пресс-сулууспата иһитиннэрдэ.

Эбийиэктэри Дьокуускайга, Мииринэйгэ, Бүлүүгэ, Ньурбаҕа, Аллараа Бэстээххэ, Депутатскайга уонна Уус Маайаҕа тутар былааннаахтар. Маны ситиһэргэ 2019 сылга өрөспүүбүлүкэ бүдьүөтүттэн 10,5 мөлүйүөн солкуобай уонна тобохтору харайыы схематын электроннай моделын оҥорорго үс мөлүйүөн солкуобай көрүллүбүтэ.

“Региональнай бырайыак бастакы көрдөрүүлэриттэн биирдэстэринэн тобоҕу харайыы схематын электроннай моделын бырамыысыланнаска үлэлэтии буолар. Болдьох 2020 сылга диэри быһаарыллыбыта”, – диэн Национальнай бырайыак иитинэн уопсастыбыннаһы кытта көрсүһүүгэ дьиэ-уот, хомунаалынай хаһаайыстыба миниистирэ Валентин Чан эттэ.

СӨ ОДьКХ министиэристибэтэ тобоҕу харайыы эйгэтигэр чааһынай инвестициялары тардар.

“Билиҥҥи кэмҥэ биһиги инвестордары уонна “Россия экологиятын оператора” хампаанньаны кытта ыкса үлэлиибит. Билигин “РЭО” хампаанньа Дьокуускайга полигон уонна сылга 145 тыһыынча тонна бөҕү таҥастыыр ыстаансыйаны оҥоруу бырайыагын көрөр”, – диэн Валентин Чан бэлиэтиир.

“Россия экологиятын оператора” бөҕү харайыы эйгэтигэр үбүлээһини көрөргө үлэлэһэр. “РЭО” инвестиционнай бырайыактарын үбүлүүр туһунан балаһыанньаҕа инвестиция уопсай сууматыттан 50%-тан элбэҕэ суох үбү тыырыы бэлиэтэнэр.

Ону таһынан, кытаанай тобоҕу арааран хомуйууга уонна оҥорууга үлэ бөлөҕүн тэрийэр туһунан этии киирдэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

3 × пять =

ЛЕНТА НОВОСТЕЙ