Саха сиригэр олорор дьиэ кв миэтэрэтин сыаната 12 тыһыынчанан эбилиннэ

Комментарии Общество и политика

Поделиться:

НВК САХА – Арассыыйа тутууга министиэристибэтэ 2019 сыл иккис кыбаарталыгар эрэгийиэннэргэ олорор дьиэ-уот кв миэтэрэтин орто сыанатын аахта. Бу туһунан  “Российская газета” иһитиннэрэр.

Ол түмүгэр Саха сиригэр тустаах сыыппара 58 400 солкуобайтан 70 300 солкуобайга диэри үрдээбитэ билиннэ.

Уһук Илин атын эрэгийиэннэригэр олорор дьиэ-уот сыаната эмиэ биллэрдик эбилиннэ. Камчаткаҕа 55 100 солкуобайтан 83 000 солкуобайга диэри, Чукоткаҕа – 43 300-57 200, Хабаровскай кыраайга – 50 600-59 900 солкуобайга диэри үрдээтэ. Маныаха сыана өрө тахсыыта бэрэсидьиэн Уһук Илин уокуругар олорор дьиэ-уот сыанатын методикатын ырытан оҥорор туһунан сорудаҕын толорууну кытта сибээстээх.

Оттон саамай ыарахан сыана Москваҕа бэлиэтэннэ. Манна сыана ортотунан 91 670 солкуобайга тэҥнэһэр.

Уһук Илиҥҥэ кв миэтэрэ иһин сыана өрө барыыта 3 саамай ыарахан сыаналаах эрэгийиэн испииһэгин уларытта. Ол курдук бу иннинээҕи кыбаарталга Москва, Санкт-Петербург, Сахалин уобалаһа буоллаҕына, билигин Москва кэнниттэн Камчатка, ол кэнниттэн Санкт-Петербург турда.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

18 + 9 =

ЛЕНТА НОВОСТЕЙ