Саха сиригэр быыбар түмүктэннэ. Сорох улуустарга быыбар хос ыытыллыа

Комментарии Общество и политика

Поделиться:

НВК САХА – Быыбар түмүктэннэ. Саха сиригэр 32 оройуоҥҥа итиэннэ Дьокуускай куорат баһылыгын таллылар, 214 нэһилиэк дьаһалтатын салайааччытыгар куоластаатылар. Маны сэргэ 288 муниципалитекка 3308 мандакка депутаты бигэргэттилэр.

Киин куоракка дьон куоластааһыҥҥа кыттара 37, 2 бырыһыаҥҥа тэҥнэстэ. Дьокуускай куоракка 114 быыбардыыр учаастак үлэлээтэ. Онтон 42-гэр бюллетени тута ааҕар КОИБ аппарата турда. Онтон атыныгар QR-кодтаах боротокуол бэчээттэннэ. Онон дьокуускайдар түүн икки чааска куолаһы барытын бэрт түргэнник ааҕан бүтэрдилэр.

Учаастак үлэһиттэрэ дьиэнэн сылдьан эмиэ куоластаттылар. Республикатааҕы 2-с нүөмэрдээх балыыһаҕа эмиэ быыбар ыытылынна. Ол курдук сэрэдэҕэ диэри киирбит ыарыһахтары барыларын быыбардыыр хамыыһыйа испииһэктээн, Дьокуускай куоракка пропискалаахтары барыларын хабан быыбардаттылар.

Бэлиэтээн эттэххэ, манна ханнык даҕаны медицина үлэһитэ, ону сэргэ дьуһуурустубаҕа турааччылар куоластаабаттар. Балыыһаҕа хамыыһыйа кыайан хаампат, палатаҕа сытар ыарыһахтары кэрийэ сылдьан быыбардатта, онтон сорохтор анаммыт хосторго кэлэн, бэйэлэрин куоластарын биэрдилэр.

Саха сиригэр быыбарга Горнай, Сунтаар, Үөһээ Бүлүү, Мэҥэ Хаҥалас оройуоннара ордук көхтөөхтүк кыттыыны ыллылар.

Анаабыр улууһун Үрүҥ Хайа уонна Сааскылаах нэһилиэктэригэр турбут кандидаттар туорааннар, быыбары тохтоттулар. Онтон Өлүөхүмэҕэ уонна Сунтаар улууһун Сиэйэтигэр турбут кандидаттары барыларын утараннар, манна хос куоластааһын ыытыллыа.

Быыбар күн киин быыбардыыр хамыыһыйаҕа биир да харгыс, сокуону кэһии туһунан үҥсүү киирбэтэ. Быйылгы муниципальнай таһымнаах быыбарга куоластааччы 43 бырыһыана кыттыыны ылла.



Поделиться:



Добавить комментарий

Ваш e-mail не будет опубликован. Обязательные поля помечены *

5 + 7 =

ЛЕНТА НОВОСТЕЙ