Саха сиригэр дьиэ тутуутугар эскроу-суотунан үбүлээһин туһунан ырыттылар

Комментарии Главные новости, Общество и политика

Поделиться:

НВК САХА – Өлүүлээн тутууттан бырайыактаан үбүлээһиҥҥэ көһүү боппуруостарын бүгүн видеоконференцсибээһинэн РФ бырабыыталыстыбатын вице-премьерин Виталий Муткону кытта ырыттылар. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.

Санатар буоллахха, быйыл от ыйын 1 күнүттэн бары тутааччыларга өлүүлээн тутарга уларыйыылар киирэллэр. Ол курдук дьон харчытын бааннар аны анал эскроу-суоттарга тутар буолуохтара. Тутааччылар кыбартыыраларын атыылаһааччыларга биэрдэхтэринэ эрэ, харчыларын ылар буолуохтара. Онон баантан кирэдьиит ылыахтара. Оттон баан бу чуолаан тутуллуохтаах эбийиэккэ үп-харчы барарын хонтуруоллуохтаах. Онон албыннаппыт өлүүлээн туттарааччылар эбиллиэхтэрэ суохтаахтар.

Ил Дархан Айсен Николаев бэлиэтээбитинэн, Саха сиригэр 39 тутааччы элбэх кыбартыыралаах дьиэлэри өлүүлээн тутар.

“Тутууга уопсайа 76 көҥүл бэриллибитэ, дуогабар быһыытынан 934 тыһыынча кв миэтэрэ тутуллуохтаах”, – диэн эттэ.

Виталий Мутко дааннайдарынан, бүгүҥҥү күҥҥэ дойду үрдүнэн 42 региоҥҥа эскроу-суоттар аһыллыбыт эбэтэр кирэдьиит дуогабардара түһэрсиллибит 120 бырайыак олоххо киирэр.

“2,6 тыһыынча эскроу аһылынна, 8 миллиард солкуобайтан тахса ордук олорго хаалан сытар”, – диэтэ.

Сорох дьиэлэр урукку быраабыларынан ситэ тутуллуохтара, ол эбэтэр элбэх кыбартыыралаах дьиэ 30%-тан итэҕэһэ суох тутуллубут буолуохтаах. Оттон өлүүлээн тутууга дьиэҕэ төһө кыбартыыра баарыттан 10%-тан элбэх дуогабар түһэрсиллибит буолуохтаах.

Эскроу-суоттарынан 95 баан кирэдьиит биэриэхтээх. Маныаха электроннай көрүҥүнэн тутуу хайдах баран иһэрин көрдөрөр биир кэлим тиһик үлэлиир.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × пять =

ЛЕНТА НОВОСТЕЙ