Саха сиригэр доруобуйа харыстабылын эбийиэктэрин тутуулара салҕанар

Комментарии Образование и здравоохранение

Поделиться:

НВК САХА – Саха сиригэр доруобуйа харыстабылын эбийиэктэрин тутуу тэтимнээхтик салҕанар. Бүтэһик аҕыс сылга өрөспүүбүлүкэ 58 нэһилиэнньэлээх пуунугар  75 эбийиэк үлэҕэ киирдэ.

Маныаха биэлсэр-акушер пуунун уонна быраас амбулаториятын 101-тэн 2 тыһыынчаҕа диэри киһилээх нэһилиэнньэлээх пууннарга туталлар.

“Томпо улууһун Арыы Толоонугар, Кэбээйи Тыайатыгар, Мэҥэ Хаҥалас Даркылааҕар уонна Ленскэй Инньэлитигэр биэлсэр-акушер пууннара бу сылга үлэҕэ киириэхтэрэ. Ону таһынан 2019 сылга Бүлүү, Ленскэй, Алдан уонна Уус Алдан улуустарыгар тутар былааннаахтар”, – диэн Саха сирин доруобуйа харыстабылын миниистирэ Елена Борисова иһитиннэрдэ.

Хас биирдии биэлсэр-акушер пууна медицина тэриллэринэн уонна миэбэлинэн хааччыллыахтара. Тэрилтэлэргэ биэлсэр хоһо, ыарыһахтары көрөр, процедура хосторо баар буолуохтаахтар.

“Арассыыйа доруобуйа харыстабылын министиэристибэтигэр ааспыт сыл атырдьах ыйыгар 75 биэлсэр-акушер пуунун, быраас амбулаториятын уларытарга 3,1 млрд солкуобай суммаҕа сайаапка ыытыллыбыта. Бу салааҕа федеральнай киини кытта үлэ салҕанар”, – диэн миниистир эттэ.

Саха сиригэр икки сыл иһигэр өссө сэттэ биэлсэр-акушер пууна уонна икки быраас амбулаторията тутуллара былааннанар. Уопсай сумма 160 мөл солкуобайга тэҥнэһэр.

2018 сыллаахха 1№дээх өрөспүүбүлүкэтээҕи балыыһаҕа тымыр киинэ аһыллыбыта. Ону таһынан Ил Дархан Айсен Николаев соругунан, ааспыт сыл бүтүүтэ Онкология диспансера урукку төрүүр дьиэҕэ көспүтэ.

Перинатальнай киин үлэҕэ киирбитэ, ахсынньы бүтүүтэ өрөспүүбүлүкэтээҕи онкология диспансерыгар радиология отделениета аһыллыбыта.

Ону таһынан 2018 сылга Таатта, Аллайыаха, Томпо уонна Нам улуустарыгар 4 фельдшер-акушер пууннара аһыллан, үлэҕэ киирбитэ.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

20 − девятнадцать =

ЛЕНТА НОВОСТЕЙ