Саха сиригэр элбэх оҕолоох ыалларга бэриллэр босуобуйа 17 тыһыынча солкуобайга тэҥнэһиэ

Комментарии Главные новости, Общество и политика

Поделиться:

НВК САХА- РФ бырабыыталыстыбата элбэх оҕолоох дьиэ кэргэҥҥэ босуобуйаны тиийинэн олоруу кээмэйигэр тиэрдэр туһунан быһаардаҕына, Саха сирин ыалларыгар ый аайы 17 тыһыынча солкуобай төлөнөр буолуон сөп. Бу туһунан Ил Дархан Айсен Николаев “Саха” НКИХ ханаалыгар интервьютугар эттэ.

“Бу быһаарыылар ылыныллыахтара, онон 2020 сылтан олоххо киириэхтэрэ диэн эрэнэбин. Оҕо төрөөһүнэ үрдүүрүгэр төһүү буолуо дии саныыбын”, – диэтэ Ил Дархан.

Айсен Николаев бэс ыйыгар бэрэсидьиэн Владимир Путин уонна Россия бырабыыталыстыбата элбэх оҕолоох ыаллар босуобуйаларын үрдэтэргэ кэккэ этиилэри киллэрбиттэрин санатта.

“Бүгүҥҥү күҥҥэ ипотека бырыһыанын кыччатарга кэккэ быһаарыылар ылыллаллар. Ону таһынан Уһук Илин сайдыытын оҥоһулла сылдьар национальнай бырагырааматыгар этиилэр эмиэ киирдилэр”, – диэн Айсен Николаев бэлиэтээтэ.

Оҕо төрөөһүнүн үрдэтэргэ элбэх оҕолоох ыаллар ипотекаларын субсидиялыыр олус наадалаах миэрэ диэн Николаев эбэн эттэ.

Ол курдук 2019 сыл тохсунньу 1 күнүттэн 2022 сыл бүтүөр диэри кэмҥэ үһүс уонна онтон кэлэр оҕолоох ыалларга ипотекаларын 450 тыһыынчаҕа тиийэ толуйуохтарын сөп.

“Өссө оҕолонор былааннаах элбэх оҕолоох ыаллар туһунан эттэххэ, кинилэргэ баай-дуол нолуогар сыһыаннаах миэрэлэр номнуо бааллар”, – диэтэ Ил Дархан.

Айсен Николаев эппитинэн, бу курдук өйөбүл бырагыраамалар элбэх сылларга үлэлиэхтэрэ, онон дойду нэһилиэнньэтин элбэтэргэ төһүү буолуохтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

три × 5 =

ЛЕНТА НОВОСТЕЙ