Саха сиригэр икки ойуур баһаара буолла

Комментарии Криминал и происшествие

Поделиться:

НВК САХА – Уус Маайа уонна Хаҥалас улуустарыгар икки ойуур баһаара буолла. Бу туһунан СӨ экология, айылҕаны туһаныы уонна ойуур хаһаайыстыбатын министиэристибэтэ иһитиннэрдэ.

Уус Маайа улууһугар 19,5 га сир умайда, олортон ойуурга буолбута – 4,5 га. Хаҥалас улууһугар 5 га ойуур умайар, баһаар уопсай иэнэ 95 га.

“Баһаары умулларарга 12 парашютист-баһаарынай, 17 десантник-баһаарынай, ойуур харыстабылын сулууспатын 10 үлэһитэ, түөрт тиэхиньикэ үлэлиир. Барыллаан этиллэринэн, ойуурга баһаартан куттала суох буолуу ирдэбиллэрин кэспиттэрин иһин тахсыбыт буолуон сөп”, – диэн министиэристибэ сайтыгар суруллар.

Саха сирин экология министиэристибэтэ ойуурга баһаартан куттала суох буолуу ирдэбиллэрин төһө тутуһалларын бэрэбиэркэлииргэ, сэрэтэргэ суһал бөлөҕү тэрийдэ.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × четыре =

ЛЕНТА НОВОСТЕЙ