Саха сиригэр үлэтэ суох дьон 3,6%-нан аҕыйаабыт

Комментарии Общество и политика

Поделиться:

НВК САХА – Саха сиригэр үлэлээбэт дьон ахсаана 3,6% аҕыйаан, 35 тыһыынчаҕа тэҥнэстэ. Бу туһунан Саха сиринээҕи нэһилиэнньэ дьарыктаах буолуутун кэмитиэтин салайааччыта Степан Москвитин кэпсээтэ.

“Үлэ миэстэтэ 9,9 % үрдээтэ. Былырыын баччаларга тэҥнээтэххэ, бу сыл маҥнайгы кыбаарталыгар 15 тыһыынчанан үлэһит киһи элбээтэ”, – диэн Москвитин эттэ.

Кини этэринэн, Саха сиригэр 2018 сыл саҥатыгар үлэлиир кыахтаах киһи 560 256 этэ, нэһилиэнньэ уопсай ахсаана 964 330 киһи.

Үлэлиир кыахтаах дьон бэйэлэрин дойдуларыгар төннөллөрүттэн уонна өлүүттэн аҕыйаабыт.

2019 сыл маҥнайгы кыбаарталын түмүгүнэн,  506,3 тыһыынча киһи үлэлиир эбит, ол, былырыын баччаларга тэҥнээтэххэ, 3 % элбэх. Экономика хайысхатыгар үлэлиир дьон 3,6 % элбээн, 471,3 тыһыынчаҕа тэҥнэспит. Үлэлиир дьон ахсааныттан үлэтэ суох буолуу таһыма 6,9 % тэҥнэһэр.

Судаарыстыбаннай кэмитиэт дааннайдарынан, 2019 сыл саҥатыттан 313 тэрилтэ 2,2 тыһыынчаттан тахса үлэ миэстэтин сарбыйарга былааннаабыттар. Саха сиригэр 1325 үлэһит уһуллубут, олортон 372 киһи атын үлэ булуммут, дьарыктаах буолуу сулууспатын уорганыгар 508 киһи кэлэ сылдьыбыт, олортон 181 киһи үлэтэ суоҕунан ааҕыллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

10 − 8 =

ЛЕНТА НОВОСТЕЙ