Саха сиригэр национальнай бырайыак иитинэн суоллары тутууга 34 млрд тахса үп көрүллүөҕэ

Комментарии Общество и политика

Поделиться:

НВК САХА – “Куттала суох уонна хаачыстыбалаах массыына суола” диэн национальнай бырайыак чэрчитинэн кэлэр биэс сылга нуормаҕа эппиэттиир регион таһымнаах уонна Дьокуускай суолларын тутууга уопсайа 34 миллиард солкуобайтан тахса үп көрүллүө. Билигин номнуо үлэ саҕаланна.

Быйылгы сыллаахха бырайыак иитинэн 4 миллиард солкуобай тыырыллыа. Бу үбүнэн уопсайа 122 км өрөспүүбүлүкэ таһымнаах уонна 23 км уһуннаах Дьокуускай суола оҥоһуллуо. Ордук элбэх үлэ Кэбээйи улууһугар ыытыллыа. Былаан быһыытынан, бу суол тутуута 2020 сылга диэри түмүктэниэхтээх.

“Ол курдук билигин “Дороги Саха” тэрилтэ номнуо үлэтин саҕалаата. Ону кытта үс тэрилтэлэр үлэлээн эрэллэр”, – диэн Кэбээйи улууһун баһылыгын бастакы солбуйааччы Александр Сивцев эттэ.

Национальнай бырайыак иитинэн 2019 сылга Саха сиригэр суолу тутууга уопсайа 4 миллиард солкуобай көрүллүө. Бу чэрчитинэн өрөспүүбүлүкэ таһымнаах сэттэ суол тутуута барыаҕа. Ол курдук Кэбээйи улууһугар түөрт учаастак уонна Анаабырга, Мэҥэ Хаҥаласка, Томпоҕо биирдии суол учаастага оҥоһуллуо.

“Кэбээйи улууһун туһунан этэр буоллахха, түөрт хантараагынан билигин 35 км тутуллар. Үлэ ыытылла турар. 2019 сылга Абалаах суолугар 9 км тутуллан бүтүөхтээх”, – диэн

Ааспыт биэс сыл иһигэр 475 км өрөспүүбүлүкэ таһымнаах уонна 48 км Дьокуускай куорат суола тутуллубут эбит буоллаҕына, кэлэр биэс сылга оҥоһуллуохтаах суол уһуна хас да бүк элбэх.

Маны сэргэ бу биэс сыл иһигэр өрөспүүбүлүкэ үгүс суолугар өрөмүөн үлэтэ ыытыллыа. Үлэ түмүгүнэн 2024 сылга өрөспүүбүлүкэ таһымнаах суол 39 %-на, оттон куорат суолун 85 %-на нуормаҕа эппиэттиир буолуохтаах.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семь + двадцать =

ЛЕНТА НОВОСТЕЙ