Саха сиригэр «Онкопоиск» диэн аахсыйаҕа кыттан, 456 киһи бэрэбиэркэлэннэ

Комментарии Главные новости, Образование и здравоохранение

Поделиться:

НВК САХА – Саха сиригэр муус устар 13 күнүттэн ыам ыйын 13 күнүгэр диэри искэни эрдэттэн быһаарарга “Онкопоиск” аахсыйа ыытыллар. Өрөспүүбүлүкэ балыыһаларыгар номнуо 456 киһи туттарда. Бу туһунан СӨ доруобуйа харыстабылын министиэристибэтэ иһитиннэрдэ.

Бу аахсыйаҕа Дьокуускай онкология диспансера, поликлиникалар, улуустааҕы балыыһалар кытталлар.

Онкомаркер киһиэхэ искэн баарын эрдэттэн билэр кыахтаах. Ол көмөтүнэн белоктары, химическэй холбоһуктары баалларын быһаараллар.

“Онкомаркер үрдүк көрдөрүүлээх буоллаҕына, олорор сирдэринэн поликлиникаларга эбии көрдөрүнэллэр”, – диэн исписэлиистэр бэлиэтииллэр.

“Онкопоиск” аахсыйаҕа кыттан, босхо хаан аналиһын туттарарга пааспардаах, полистаах, СНИЛС-таах кэлэллэр. Үлэ күнүгэр 9.00 чаастан 11.00 чааска диэри аччык искэ анализ  туттараллар.

Улуус уонна куораттар олохтоохторо олорор сирдэринэн улуустааҕы балыыһаларга, поликлиникаларга баран туттараллар. Дьокуускай олохтоохторо Стадухина 81-с дьиэтигэр, 1 куорпуска турар онкология диспансерыгар тиийэллэр.

“Онкопоиск” тэрээһин “Доруобуйа харыстабыла” национальнай бырайыак чэрчитинэн ыытыллар.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

8 + два =

ЛЕНТА НОВОСТЕЙ