Саха сиригэр үрдүк үөрэххэ туттарсыы хампаанньата хайдах үлэлиир (ВИДЕО)

Комментарии Главные новости, Образование и здравоохранение

Просмотров: 44

NVK-ONLINE.RU – Үрдүк үөрэххэ орто анал үөрэх дипломнаахтартан докумуону тутуу түмүктэммитэ. Бүгүҥҥүттэн туттарсыы тургутууларын ааһар эксээмэннэр саҕаланнылар.

Чурапчыттан төрүттээх Леонид Аммосов Тыа хаһаайыстыбатын техникумугар юрист идэтигэр үөрэнэн, диплом ылбыт. Уонна бу салгыы үрдэтинэр баҕаттан Хотугулуу-Илиҥҥи федеральнай университекка докумуоннарын биэрбит.

Леня курдук диплом тутуурдаах абитуриеннартан докумуону тутуу өссө от ыйын 10-с күнүгэр бүппүтэ. Бүгүҥҥүттэн тургутууну ааһар эксээмэннэр саҕаланнылар. Күн бүгүн федеральнай таһымнаах университекка 7,5 тыһыынчаттан тахса сайабылыанньа киирдэ.

Биир кэлим эксээмэн түмүгүнэн туттарсааччылартан докумуону босхо үөрэххэ атырдьах ыйын 11-с күнүгэр,  төлөбүрдээх кэтэхтэн үөрэххэ балаҕан ыйын 20-с күнүгэр диэри тутуохтара. Орто анал үөрэхтээх абитуриеннар төлөбүрдээх үөрэххэ киирэллэригэр атырдьах ыйын 15-с күнүгэр диэри туттарыахтарын сөп.

Дьокуускайдааҕы тыа хаһаайыстыбатын академията быйыл 1200 миэстэҕэ устудьуону ылар былааннаах. Россия бюджетын суотугар 746 устудьуон, өрөспүүбүлүкэ көрбүт харчытыгар 110 уонна 344 устудьуон төлөөн туран үөрэниэҕэ. Бүгүҥҥү туругунан, 1300 кэриҥэ абитуриент сайабылыанньа биэрэн, долгуйа кэтэһэр.

Үрдүк үөрэххэ киирэр дипломнаах абитуриеннар эксээмэннэри туттаран саҕалаатылар. Үс күн усатата үс сүрүн предмеккэ тургутууну ааһыахтара. Биир кэлим эксээмэн түмүгүнэн туттарсааччылар от ыйын 26-с күнүгэр диэри докумуоннары туттараллар, онтон атырдьах ыйыгар үөрэххэ киирии испииһэгэ үс түһүмэҕинэн биллиэҕэ.



Добавить комментарий

Ваш e-mail не будет опубликован. Обязательные поля помечены *

2 × 4 =