Саха сиригэр социальнай суолталаах тутуулары интэриниэккэ холбуурга 1,5 млрд солк көрүлүннэ

Комментарии Общество и политика

Поделиться:

НВК САХА – Үс сыл устата өрөспүүбүлүкэ социальнай суолталаах тэрилтэлэрин интэриниэккэ холбуохтара. Бу туһунан инновация, цифровой сайдыы уонна инфокоммуникационнай технология министиэристибэтин пресс-сулууспата иһитиннэрдэ.

Интэриниэккэ холбуурга судаарыстыбаннай хантараак  1,486 миллиард солкуобайга тэҥнэһэр.

Ол курдук үс сыл иһигэр 1221 социальнай суолталаах эбийиэги, олор истэригэр оскуолалары, биэлсэр-акушер пууннарын, олохтоох бэйэни салайыныы уорганнарын, баһаарынай чаастары, Росгвардия уорганнарын уонна быыбардыыр хамыыһыйалары интэриниэккэ холбуохтара.

“Тыа сиригэр оскуолалары сөкүүндэҕэ 50 Мбит итэҕэһэ суох, куораттарга – сөкүүндэҕэ 100 Мбит кырата суох түргэн интэриниэккэ холбуохтара. ВОЛС тардыллыбатах сиригэр сибээс спутниковай ханаалларынан сөкүүндэҕэ 1 Мбит итэҕэһэ суох түргэннээх интэриниэккэ холбонуохтара”, – диэн иһитиннэриигэ этиллэр.

Бу үлэ барыта “Сыыппаранан экономика” национальнай бырайыак “Информационнай инфраструктура” диэн регионнааҕы бырайыагын чэрчитинэн оҥоһуллуо.

Министиэристибэҕэ бэлиэтээбиттэринэн, Саха сирин бары тутуулара интэриниэккэ холбоннохторуна, РФ цифровой сайдыы, сибээс уонна маассабай коммуникация министиэристибэтэ 2022-2024 сылларга трафигы төлүүргэ субсидиянан хааччыйыа. Ону таһынан федеральнай хааһынаттан үөрэх тэрилтэлэригэр видеонан кэтээн көрүүнү, кабель тардыытын онтон да үлэни эмиэ субсидиялыахтара.

Саха сиригэр “ДОЗОР-ТЕЛЕПОРТ” САУо интэриниэккэ холбуурга электроннай куонкуруһу кыайбыта.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

13 − 11 =

ЛЕНТА НОВОСТЕЙ