Саха сиригэр суукка иһигэр ойуур баһаарын иэнэ 500,5 гаанан кыччаата

Комментарии Общество и политика

Поделиться:

НВК САХА – Өрөспүүбүлүкэ үрдүнэн суукка иһигэр ойуур баһаарын иэнэ  500,5 гаанан кыччаабыт. Бу туһунан Ыксаллаах быһыы-майгы министиэристибэтин Саха сиринээҕи управлениета иһитиннэрдэ.

Биэдэмистибэ Алдан, Дьааҥы, Эдьигээн, Ленскэй, Ньурба уонна Өлүөхүмэ улуустарыгар турар баһаардары хонтуруолга тутар. Бу улуустарга барыта 114 ойуур баһаара тахсыбыта бэлиэтэммит. Саха сиригэр баһаар аҕыйыыр эрээри, балаһыанньа син биир уустук.

Ойуур баһаарын умулларыыга 825 киһи уонна 80 техника үлэлиир. Өрөспүүбүлүкэҕэ ЫБММ 125 быыһааччыта Алдан, Сунтаар, Уус Алдан улуустарыгар үлэлииллэр. Россия ыксаллаах быһыы-майгы министиэристибэтин авиабөлөҕө 3 тыһыынча тоннаттан тахса ууну 524-тэ бырахта.

Ленскэй оройуонун Пеледуй уонна Витим бөһүөлэктэригэр углерод оксида кыранан нуорманы аһарбыта бэлиэтэнэр.

“Өрөспүүбүлүкэ улахан аҥаарыгар хотугу, арҕаа өттүгэр соҕуруу тыаллааҕын иһин Дьааҥы, Ленскэй уонна Эдьигээн улуустарыгар буруо сүппэтэ сабаҕаланар”,- диэн биэдэмистибэҕэ эттилэр.

Ойуур баһаарын ыыппат туһугар суукка иһигэр биэдэмистибэ 13 рейдэни ыытта.

“Нэһилиэнньэ тыаҕа тахсарын хааччахтыыр биэс пост тутар. 204 киһи ойуурга тахсан иһэрин тохтоттулар”,- диэн пресс-сулууспаҕа эттилэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

пять × четыре =

ЛЕНТА НОВОСТЕЙ