Саха сиригэр сылааһы биэрэр 90% эбийиэк оттук кэмигэр бэлэм

Комментарии Общество и политика

Поделиться:

НВК САХА – Саха сирин олох-дьаһах хомунаалынай хаһаайыстыба тутуулара улуустарга 90% бэлэм буоллулар. Бу туһунан “СӨ ОДьКХ” тэрилтэ пресс-сулууспата иһитиннэрдэ.

Аан бастакынан Аллайыаха улууһугар сылааһы биэрдилэр, оттон атырдьах ыйын 15 күнүттэн Анаабыр улууһугар сылааһы биэрэр эбийиэктэри үлэлэтиэхтэрэ.

Тэрилтэ генеральнай дириэктэрэ Виталий Чикачев этэринэн, арктическай оройуоннарга уонна тиийэргэ уустук учаастактарга кыһыҥҥы кэмҥэ бэлэмнэнии күүстээхтик ыытыллар.

“Атырдьах ыйын ортотуттан Анаабыр, Аллараа Халыма уонна Өлөөннөөҕү филиалларбытыгар кыраапык быһыытынан итиини биэриэхпит, оттон ый бүтүүтэ – Үөһээ Халыма, Дьааҥы, Орто Халыма, Эбээн Бытантай, Муома уонна Эдьигээннээҕи филиалларбыт хочуолунайдарыгар”, – диэн Чикачев эттэ.

Улуустарга уунан уматыгы тиэрдэллэр. 396,5 тыһыынча тонна былааннаммытыттан, хаттаан тиэрдиини ааҕан туран, бүгүҥҥү күҥҥэ хочуолунай оттугун 62%-на тиийдэ. Былырыыҥҥыга тэҥнээтэххэ, 7% элбэх.

Ону таһынан, биэс арктическай улууска: Булуҥ, Абый, Орто Халыма уонна Эбээн Бытантай улуустарыгар быйылгы оттук кэмигэр биэс эбийиэги үлэлэтэр былааннаахтар.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

семнадцать − четыре =

ЛЕНТА НОВОСТЕЙ