Саха сиригэр табахтан аккастаныы Аан дойдутааҕы күнүн бэлиэтиэхтэрэ

Комментарии Образование и здравоохранение

Поделиться:

НВК САХА – Ыам ыйын 31 күнүгэр Доруобуйа харыстабылын аан дойдутааҕы тэрилтэтэ Аан дойдутааҕы Табаҕа суох күнү бэлиэтиир. Ол иитинэн Дьокуускайга уонна кытыы нэһилиэнньэлээх пуннарга кэккэ тэрээһин уонна аахсыйа ыытыллар. Бу туһунан СӨ доруобуйа харыстабылын министиэристибэтэ иһитиннэрэр.

Жатайга ыам ыйын 24-25 күннэригэр “Бүтүн Аан дойдунан табах утары” диэн ааттаах доруобуйа дьаарбаҥката ыытыллар. Манна кэлбит дьон спирометрияны ааһыан, тахсар салгыҥҥа углекислай гаас таһымын быһаарыан, сүрэх-тымыр туругун, сахары, хааҥҥа холестерины бэрэбиэркэлэтиэн сөп. Маннык аахсыйа ыам ыйын 29 күнүгэр Тулагыга, оттон бэс ыйын 5 күнүгэр Кангаласска тэриллиэ. Кангаласска ону таһынан ФЛГ-га түһэриэхтэрэ, искэн ыарыыны эрдэттэн быһаарар анализ ылыахтара, табахтыыр киһи тыҥатыгар, дьахталлар түөстэригэр искэн ыарыытыгар чинчийиини ааһар кыахтаныахтара.

Ыам ыйын 31 күнүгэр Дьокуускай Ленин болуоссатыгар “Доруобай ыччат – күүстээх өрөспүүбүлүкэ” аахсыйа тэриллиэ. Манна быраастар, кинилэр ортолоругар  психиатр-нарколог, психолог никотинтан босхолонорго сүбэ-ама биэриэхтэрэ. Ону сэргэ эти-сиини чэгиэн оҥорууга, хаалыктаах хаамыыга маастар-кылаас ыытыахтара. Тэрээһин ыччат флешмобунан түмүктэниэ.



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

восемнадцать − 8 =

ЛЕНТА НОВОСТЕЙ