Саха сиригэр уот сыаната тоҕо үрдүгүй? (ВИДЕО)

Комментарии Экономика и сельское хозяйство

Просмотров: 21

NVK-ONLINE.RU – Бу күҥҥэ Саха сиригэр уот сыаната тоҕо үрдүгүй? Маны быһаарарга туох үлэ барда?

Дьокууска иһигэр тас рекламанан итиэннэ сувенирдары оҥорорунан дьарыктанар биир саамай бөдөҥ тэрилтэ 2 офистаах, 3 мастарыскыайдаах. Манна элбэх уоту сиир 15 бэчээт станога баар.

Хампаанньа сылга быһа холоон көрдөххө, уотугар төлүүр суммата 2 мөл 800 тыһыынча солкуобайга тэҥнэһэр. Элбэх үлэ миэстэлээх тэрилтэҕэ, бу биллэн турар, улахан харчы. Россияҕа үрдүк тарыыбынан Уһук Илиҥҥи региоҥҥа үлэлиир хайа баҕар бөдөҥ хампаанньа уот иһин аахсар.

Холобур, Россия орто курдааһыныгар биир киловатт чаас 3 солкуобай буоллаҕына, биһиги региоммутугар 6,5 солкуобайга тэҥнэһэр.

Республика киинигэр уоту тарҕатар “ЯкутскЭнерго” хампаанньа мөлүйүөнүнэн иэннээх Саха сирин барытын хааччыйар кыаҕа суох. Ол иһин суол-иис суох сиригэр итиэннэ хотугу оройуоннарга 143 дизельнэй станция үлэлиир. Барыларын уматыгынан хааччыйарга бу сылга 6,8 миллиард солкуобай көрүлүннэ.

Бу сытыытык турар кыһалҕаны быһаарар туһуттан, Ил Дархан Егор Борисов Бырабыытылыстыбаны кытта 10-тан тахса сыл дойду таһымыгар туруорустулар.

Саха сирэ уот кыһалҕатын туруорсар сыралаах үлэтин көрөн, атын регионнар эмиэ бу боппуруоьу көтөхпүттэрэ. Уһук Илин регион сайдыытын саамай харгыстыыр биричиинэтэ үрдүк уот сыаната буоларын дойду Президенэ Владимир Путин өйдөөн, “Уһук Илиҥҥи субъектар уоттарын сыанатын Россия орто кээмэйин кытта тэҥнээҥ” диэн ыйаах таһаарбыта.

Биллэн турар, сокуон туох баар бытархай өрүттэри көрбөт. Ол курдук сокуон тахсыбытын кэннэ Россия Бырабыытылыстыбата уураах ылыныахтаах. Бастатан туран, ханнык сыана бигэргэтиллэрэ чопчуланыа. Иккиһинэн, хотугу улуустар уокка ороскуоттарын билигин төлөөн олорор хампаанньаларга төһө чэпчэтии оҥоһуллара чуолкайданыа.

Тохсунньу 1 күнүттэн үлэҕэ киирэр сокуон хас да этабынан барыа. Бастатан туран, промышленнай туһанааччыларга уонна юридическэй сирэйдэргэ электроэнергия төлөбүрүн Россиятааҕы орто кээмэйгэ тэҥниэ. 3 сыл устата кэтээн көрүү баран, биирдиилээн дьон уокка төлөбүрүн чэпчэтии, инникитин бу сокуонунан эмиэ көрүллүөн сөп.



Добавить комментарий

Ваш e-mail не будет опубликован. Обязательные поля помечены *