Саха сиригэр устудьуоннар тутар этэрээттэрин үлэтэ саҕаланар

Комментарии Общество и политика

Поделиться:

НВК САХА – Саха сиригэр бүгүҥҥүттэн, бэс ыйын 12 күнүттэн, устудьуоннар тутар этэрээттэрин үлэтэ саҕаланар. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.

Саха сирин устудьуоннарын тутар этэрээттэрэ элбэх сири хабан үлэлиэхтэрэ. Ол курдук сервис этэрээттэрэ Красноярскай кыраайга үлэлии барыахтара, педагогическай этэрээттэр “Океан” диэн Бүтүн Россиятааҕы оҕо киинигэр үөрэниэхтэрэ, инникитин үлэҕэ киириэхтэрэ.

“Тутар этэрээттэр улуус кииннэриттэн тэйиччи үлэлиэхтэрэ. Онон Саха сирин климатын бары үтүөтүн билиэхтэрэ. Ол иһин “Север” Бүтүн Россиятааҕы устудьуон тутуута кытаанах  диэн этэллэр”, – диэн ХИФУ магистрана, “Россиятааҕы устудьуоннар этэрээттэрэ” (“Российские Студенческие Отряды”) Саха сиринээҕи салаатын пресс-сулууспатын бэрэстэбиитэлэ Сахайаана Данилова эттэ.

Челябинскай уобалаһыгар “Мирный Атом” уонна Ленскэй оройуонугар Чайаҥдатааҕы ньиэп-гаас баайдаах сиргэ “СЕВЕР”  диэн тутууларга 100-тэн тахса  устудьуон үлэлиэ.

“СЕВЕР” диэн устудьуон тутуутугар Хотугулуу-Илиҥҥи федеральнай үнүбэрситиэттэн “И.Н. Барахов аатынан Тумат”, “Майаат” уонна “Тыгын Дархан аатын илдьэ сылдьааччылар” (Хранители имени Тыгын Дархана) тутар этэрээттэр оҕолоро барыахтара.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

один + два =

ЛЕНТА НОВОСТЕЙ