Саха сирин 16 хаһаайыстыбатыгар сайылык туттарга сэртипикээт туттардылар

Комментарии Главные новости, Экономика и сельское хозяйство

Поделиться:

НВК САХА – Саха сирин 16 хаһаайыстыбата Сайылык күнүгэр өрөспүүбүлүкэтээҕи бырагыраама иитинэн сайылык туттарга сэртипикээт ылла. Сайылык күнүгэр Хаҥалас улууһун Улахан Аан сэлиэнньэтигэр үөрүүлээх быһыыга-майгыга сэртипикээттэри туттардылар. Бу туһунан СӨ тыа хаһаайыстыбатын министиэристибэтин пресс-сулууспата иһитиннэрэр.

СӨ бырабыыталыстыбатын бэрэссэдээтэлэ Владимир Солодов бэлиэтээбитинэн, Ил Дархан 2018 сылга таһаарбыт ыйааҕар тыа хаһаайыстыбата сайдарыгар саҥа соруктары туруорбута.

“Дьоммутун-сэргэбитин олохтоох бородууксуйанан хааччыйыахтаахпыт. 2024 сылга диэри 100-тэн тахса механизированнай ферма, 200 сылгы собуотун тутуохтаахпыт. Оттон бүгүн номнуо эбийиэктэри тутар 16 сэртипикээти туттарабыт. Саха сиригэр Улахан Аан курдук нэһилиэктэр элбии турдуннар, оччоҕо тыа хаһаайыстыбата чэчирии сайдыа. Этиллибит соруктары толоруохпут”, – диэн Солодов эттэ.

Ол курдук үөрүүлээх тэрээһиҥҥэ Владимир Солодов Саха сирин аграрийдарыгар сэртипикээт туттарда.

Сайылыктары тутарга уопсайа 43 мөлүйүөн суумаҕа 12 хаһаайыстыба ылла: Кэбээйи улууһун Кэбээйи сэлиэнньэтиттэн “Левин А.В.” урбаанньыт, Бүлүү улууһун Уһунуттан “1 Күүлэттээҕи” кэпэрэтиип, Хаҥалас улууһун Көрдөм сэлиэнньэтиттэн “Cайдыы” кэпэрэтиип, Амма Сатаҕайыттан Т. Лукин аатынан кэпэрэтиип, Мэҥэ Хаҥалас Тумулуттан “Тумул” кэпэрэтиип, Хаҥалас Улахан Ааныттан Павлов М.В. урбаанньыт, Амма Чакырыттан “Кэскил” ХЭУо, Бүлүү Бөтүҥүттэн “Бөтүҥ” кэпэрэтиип, Хаҥалас Улахан Ааныттан “Бөртө” сылгы собуота, Сунтаар Күндээйэтиттэн “Сырдык” кэпэрэтиип, Хаҥалас Тиит Эбэтиттэн “Самартай” кэпэрэтиип, Сунтаар Кириэстээҕиттэн “Кириэстээх” кэпэрэтиип.

Эдэр сүөһүнү уотарга сайыҥҥы туруорар сири туттарга уопсайы 7 мөлүйүөнтэн тахса суумаҕа түөрт хаһаайыстыбаҕа сэртипикээт туттарылынна: Хаҥалас Улахан Ааныттан “Бөртө” сылгы собуотугар, Мэҥэ Хаҥалас Төхтүрүттэн “Солооһун” кэпэрэтиипкэ, Ньурба Күндээдэтиттэн “Күндээдэ” АУо уонна Сунтаар Кириэстээҕиттэн “Кириэстээх” кэпэрэтиипкэ.

Санатар буоллахха, 2024 сылга диэри 100 механизированнай ферма (сайылык) тутуллуохтаах, онно 10 тыһыынча төбө хороҕор муостаах туруохтаах.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

двенадцать − три =

ЛЕНТА НОВОСТЕЙ