Саха сирин 80-ча күүстээх охчута Дьокуускайга күөн көрүстэ (ВИДЕО)

Комментарии Спорт и культура

Просмотров: 36

NVK-ONLINE.RU – Оҕунан ытыы күрэхтэһиитин Саҥа дьыл иннинэ талыллыбыт Федерация саҥа салалтата тэрийдэ. 2016 сыл түмүгүнэн рейтиннээх буолан, сыл устата үчүгэй көрдөрүүлэри ситиспиттэр күрэхтэстилэр. Саха сирин омук дойдуларыгар тиийэ дорҕоонноохтук ааттаппыт маастардар бааллар, тыҥааһыннаах күрэх буолла.

Ытыылартан ытыыларга сыыйа туораан итилэр. Күүстээх маастардар ааттарын-суолларын түһэн биэрбэтилэр. Классикаҕа эр дьоҥҥо Павел Алексеев-Стасов – Хаҥалас, дьахталларга Сайыына Иванова – Горнай,  блочнайга Асим Павлов – Дьокуускай, Оксана Черемкина – Чурапчы бастакы миэстэлэри ыллылар.

Оҕунан  ытыы спорда тэтимин ылан, сайдан иһэр. Бу күннэргэ республика чемпионата саҕаланна. Охчуттар үрдүк көрдөрүүлэри ситиһэллэр.



Добавить комментарий

Ваш e-mail не будет опубликован. Обязательные поля помечены *

двадцать − десять =