Саха сирин агро хайысхалаах оскуолалара Москваҕа ыытыллыбыт куонкуруска үрдүк ситиһиилэннилэр

Комментарии Общество и политика

Поделиться:

НВК  САХА – Саха сирин агро хайысхалаах оскуолалара Антон Макаренко аатынан аан дойдутааҕы куонкуруска ситиһиилээхтик кыттан кэллилэр. Үөрэх уонна наука министиэристибэтин пресс-сулууспата иһитиннэрэринэн, Саха сирин бөлөҕөр агротехнологическай хайысхалаах алта үөрэх тэрилтэтэ Москваҕа буолбут куонкуруска кыттан кэллилэр.

Амма оройуонун Бөтүҥ, Эдьигээн, Мэҥэ Хаҥалас Хаптаҕай нэһилиэгин орто оскуолалара бастакы истиэпэннээх дипломунан наҕараадаланнылар.

Оттон иккис истиэпэннээх дипломаннарынан Сунтаар оройуонун Күндээдэ оскуолата уонна Томпо оройуонун Кириэс Халдьаайы орто оскуолата буоллулар.

Таатта оройуонун Чычымах орто оскуолата үһүс истиэпэннээх дипломунан наҕараадаланна.

«А.С. Макаренко аатынан мэтээли» СӨ агро хайысхалаах оскуолаларын сойууһун толорооччу дириэктэригэр Е.А. Захаровка туттардылар.

Күрэххэ бэйэ оҥорон таһаарыытынан уонна хаһаайыстыбаннай үлэнэн дьарыктанар оскуолалар кытыннылар.

Макаренко аатынан куонкурус 2003 сыллаахтан ыытыллар. Тустаах куонкурус сыала-соруга диэн оҕону уонна ыччаты үлэҕэ, дьарыктаах буоларга үөрэтии, уопсастыбаннай үлэ нөҥүө оҕону иитии буолар.

–ай//кс



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

12 + восемь =

ЛЕНТА НОВОСТЕЙ