Саха сирин хоту өттүгэр суолга-иискэ хааччахтааһын киирдэ

Комментарии Общество и политика

Поделиться:

НВК САХА – «Арктика» массыына суолугар Муома улууһун кыраныыссатыттан Угольнай бөһүөлэгэр диэри, Буруустаах диэн сиртэн Үөһээ Халыма улууһун кыраныыссатыгар диэри, Зырянкаттан Орто Халыма улууһун быысаһыытыгар диэри уонна Андрюшкино бөһүөлэгиттэн Чукотка автономнай уокуругар диэри 20 тоннаттан үөһэ уйуктаах массыынанан сырыы бобулунна. Оттон 20 тоннаҕа диэри уйуктаах тырааныспар айанныырыгар икки арда 70 миэтирэттэн чугас буолуо суохтаах.

«Булун» (Севернэй – Булуҥ улууһун кыраныыссата) массыына суолугар тырааныспар уйуга 10 тоннаҕа диэри кыччаата.

Эмиэ 10 тоннаттан үөһэ уйуктаах массыына сырыыта «Үөһээ Дьааҥы» суолга Баатаҕай-Баатаҕай Алыыта;  «Индигир» суолга Чокурдаах-«Индигир» суол 874 км, Уус-Ньара-Абый улууһун кыраныыссата; «Дьааҥы» суолга Баатаҕай-Уус-Куйга, Уус-Куйга-Нижнеянскай, Тополинай-Баатаҕай, Депутатскай-Абый улууһун кыраныыссата; «Алаһыай» суолга Орто Халыма-Эбээх уонна Остуруок-Өлөөкө Күөл-Эбээх хайысханан туора суолунан сырыы бобулунна.

Тырааныспар сырыыта  «Сэбээн» суолга Суордаахтан  «Үөһээ Дьааҥы» суол 166 км диэри тохтоото. Бу туһунан тырааныспар уонна суол-иис хаһаайыстыбатын министиэристибэтин пресс-сулууспата иһитиннэрэр.

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

шесть + 6 =

ЛЕНТА НОВОСТЕЙ