Саха сирин ИДьМ миниистирин урукку солбуйааччыта Николай Мамчуру биэс сылга ыыттылар

Комментарии Криминал и происшествие

Поделиться:

НВК САХА – Ис дьыала миниистирин урукку солбуйааччытын, СӨ ИДьМ силиэстийэлиир салалтатын начаалынньыгын Николай Мамчуру күүһүлүү сатаабытын уонна күүһүлүүр дьайыылары оҥорбутун иһин буруйдааҕынан аахтылар.

Суут бириигэбэринэн биэс сылга хаайыыга барда. Урукку полковник аата-суола былдьанна, суут иһиттэн хаайыыга ылылынна диэн Силиэстийэлиир кэмитиэт Саха сиринээҕи управлениетыгар иһитиннэрдилэр.

Cилиэстийэ уонна суут быһаарбыттарынан, 2016 сыл муус устарыгар Мамчур итирик туруктаах сылдьан, үлэлиир хоһугар үлэлии сылдьар дьахтары ыҥыран ылбыт.

Хоһугар олорон, дьахтары күүһүлүү сатаабыт, ол эрээри дьахтар күүскэ утарылаһан, дьайыытын тиһэҕэр тиэрдибэтэх. Ол эрээри салгыы буруйун оҥорон, күүһүлүүр дьайыыларын оҥорбут.

Ол да буоллар, урукку миниистир солбуйааччыта буруйун билиммэтэх, эмсэҕэлээбит дьахтар холуннаран этэр диэбит. Холуобунай дьыала дакаастабыл матырыйаалларын сымыйа диэн ыйбыт. Ол эрээри силиэдэбэтэл хомуйбут дакаастабыллара, эспэртиисэлэр, атын силиэстийэлиир тэрээһиннэр сууттанааччы буруйун бигэргэппиттэр.

Суут сууттанааччыны буруйдаах диэн бириигэбэрдээтэ уонна биэс сылга көҥүлэ быһыллар буолла.

 

 



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

два − 1 =

ЛЕНТА НОВОСТЕЙ