Саха сирин икки оройуонугар ыксаллаах быһыы-майгы эрэһиимэ олохтонно

Комментарии Криминал и происшествие

Поделиться:

НВК САХА – Ыксаллаах быһыы-майгы эрэһиимин Чурапчы оройуонун Мырыла нэһилиэгэр уонна Уус Майа оройуонугар биллэрдилэр. Маннык дьаһалы оройуон дьаһалтата,  халаан уута үрдүкү таһымы аһарбытынан сибээстээн таһаарда. Бу туһунан Саха сирин бырабыыталыстыбатын бэрэссэдээтэлэ Алексей Колодезников салайар, суһал хамыыһыйа мунньаҕар иһитиннэрдилэр.

Саха сиринээҕи МЧС дааннайдарынан, Мырыла нэһилиэгэр ыам ыйын 13 күнүгэр түүн 01:10 чааска Амма өрүс уута кутталлаах таһымы ааста. 7 дьиэ уонна 46 тэлгэһэ ууга барда.

Уус Майа Күп нэһилиэгиттэн 50км аллараа Алдан өрүскэ муус харыыта тахсан, уу таһыма эмискэ үрдээтэ. Билигин нэһилиэк 80 % уонна быһыт ууга баран турар. Элдьикээн нэһилиэгэ эмиэ ууга баран эрэр. Онтон Эдьээн нэһилиэгэ ууга барар кутталлаах.

Уус Майаҕа ыксаллаах быһыы-майгы эрэһиимэ олохтонно. –ай



Поделиться:




Наш Telegram
Отправляйте свои новости на горячую линию: +7(914)2734488

Добавить комментарий

Ваш e-mail не будет опубликован. Обязательные поля помечены *

четыре × четыре =

ЛЕНТА НОВОСТЕЙ